27.09.2026 | 13:23
ԱՄՆ մեկնել զբոսաշրջային վիզայով՝ ծննդաբերելու և երեխային քաղաքացիություն ապահովելու նպատակով, չի թույլատրվում․ դեսպանություն
Քանի՞ «քյաբաբ» եք տվել ՔՊ-ին, որ Վարդևանյանին ընտրել են ԱԺ փոխնախագահ․ Խամոյանը՝ Նարեկ Կարապետյանին. ՏԵՍԱՆՅՈՒԹ
Քաղաքականություն
11.08.2026 | 16:38
«Ձեզ եմ ուզում հարցնել․ ընդունենք, որ ընտրակաշառքով է ձևավորվել էս թևը Ազգային ժողովում, քանի՞ քաբաբ եք տվել ՔՊ-ին, որ պարոն Վարդևանյանին ընտրել են Ազգային ժողովի փոխնախագահ։ Ձեզ կարող եմ հարցնել, ՔՊ-ական 13 պատգամավորներին՝ ձեզ քանի՞ քաբաբ են տվել, որ պարոն Վարդևանյանին ընտրել եք որպես Ազգային ժողովի փոխնախագահ»,- Ազգային ժողովի ամբիոնից հայտարարեց «Հայաստան» խմբակցության պատգամավոր Ագնեսա Խամոյանը՝ դիմելով Նարեկ Կարապետյանին ու իշխանական պատգամավորներին։
Խոսելով ԲՀԿ-ի մանդատների և ընտրական պրոցեսների շուրջ հնչող հայտարարություններից՝ Խամոյանն ընդգծեց․
«1000 անգամ հարցը բարձրաձայնեք, 1000 անգամ գալու եմ և այս բարձր ամբիոնից հայտարարելու եմ․ դուք ձեր իշխանությունը գողացել եք 60 000 քաղաքացու ձայն, դուք գողացել եք ընդդիմադիր մանդատներ։ Էստեղ ֆուտբոլի տրամաբանությամբ շատ խոսվեց։ Եթե խաղադաշտում ԲՀԿ-ն է և ՔՊ-ն, իսկ մրցավարը՝ նախկին ՔՊ-ական, կարկառուն ՔՊ-ական Վահագն Հովակիմյանն է, միանշանակ հաղթողը լինելու է «Քաղաքացիական պայմանագիրը»»։
Մանրամասները՝ տեսանյութում։
Անի Թամրազյան
