11.08.2026 | 14:21
Ասեք՝ Սահմանադրության նոր տեքստում Անկախության հռչակագրին հղումը հանվա՞ծ է․ Գրիգորյանը՝ Ջուլհակյանին․ ՏԵՍԱՆՅՈՒԹ
TRIPP-ի շրջանակներում ՀՀ տարածքով գազամուղ է անցնելու, հնարավորություն է ևս մեկ աղբյուրի․ Խանդանյան․ ՏԵՍԱՆՅՈՒԹ
Քաղաքականություն
11.08.2026 | 13:40
«TRIPP-ը ևս գազամուղի է վերաբերում․ այսինքն՝ Հայաստանի տարածքով անցնելու է TRIPP-ի շրջանակներում գազամուղ, և սա գուցե ևս մեկ հնարավորություն է, որպեսզի մենք դիտարկենք ևս մեկ աղբյուր ունենալու, օգտվելու այդ գազամուղի հնարավորություններից»,- լրագրողների հետ զրույցում հայտարարեց ԱԺ Արտաքին հարաբերությունների մշտական հանձնաժողովի նախագահ Սարգիս Խանդանյանը։
Պատգամավորն ընդգծեց, որ թեև սա դեռևս տեսական դիտարկում է, սակայն գործնականում այն իրականացնելը բարդ չէ:
«Իհարկե, սա շատ տեսական միտք է, որը ես հիմա էս պահին արտահայտում եմ, բայց դա բարդ չէ գործնականում իրականացնել»,- ընդգծեց Խանդանյանը։
Նա նաև անդրադարձավ TRIPP ծրագրի ընդհանուր ընթացքին ու այլ ենթակառուցվածքային ուղղություններին։
«Ընթացքի մեջ է իրագործելիության ուսումնասիրությունը, և ես մեծ հույս ունեմ, որ հնարավորինս արագ արդեն բուն շինարարությանը կանցնենք երկաթուղու, նաև հետաքրքրություն կա հնարավորինս արագ էլեկտրագծերի անցկացման տեսանկյունից, որովհետև հիշում եք, որ TRIPP-ը միայն երկաթուղի չէր, այլ նաև այլ ենթակառուցվածքների ծրագիր էր»,- ասաց ՔՊ-ական պատգամավորը։
Մանրամասները՝ տեսանյութում։
