11.08.2026 | 13:40
TRIPP-ի շրջանակներում ՀՀ տարածքով գազամուղ է անցնելու, հնարավորություն է ևս մեկ աղբյուրի․ Խանդանյան․ ՏԵՍԱՆՅՈՒԹ
Թուրքիայի խորհրդարանը հաստատել է քրդական PKK-ի զինյալների համար համաներում հայտարարելու օրենքը
Քաղաքականություն
11.08.2026 | 13:00
Թուրքիայի խորհրդարանը հաստատել է օրենքը, որը սահմանափակ և զուգակցված համաներում է նախատեսում Քուրդիստանի աշխատավորական կուսակցության (PKK) զինյալների համար։ Օրենքն ընդունվել է ձայների 468 անդամ կողմ, 88 դեմ և 6 ձեռնպահ հարաբերակցությամբ, գրում է DW-ի ռուսական ծառայությունը։
Սակայն, ըստ AFP-ի, օրենքը որևէ դրույթ չի ներառում PKK-ի հիմնադիր Աբդուլլահ Օջալանի ճակատագրի վերաբերյալ, որը 27 տարի է՝ Իմրալը կղզու բանտում է։
Փաստաթուղթը նախատեսում է մեխանիզմ է, որը PKK-ի զինյալների համար ճանապարհ է բացում Թուրքիայում խաղաղ կյանքին վերադառնալու համար։ Մասնավորապես, որոշակի հանցագործությունների համար քրեական հետապնդումը և դատավճիռների կատարումը կդադարեցվի հինգից տասը տարի ժամկետով։ Եթե այս ընթացքում նոր հանցագործություններ չկատարվեն, հետաքննությունները կդադարեցվեն։ Այս դրույթը չի տարածվի ծանր հանցագործությունների համար դատապարտվածների վրա։
Ըստ թուրք օրենսդիրների՝ առաջին փուլում կարող են ազատ արձակվել թուրքական բանտերում պահվող PKK-ի շուրջ 10,000 նախկին կողմնակիցներից մոտ 3,500-ը։ Սակայն օրենքը կարող է կիրառվել միայն այն բանից հետո, երբ անվտանգության մարմինները կհաստատեն Քուրդիստանի աշխատավորական կուսակցության և դրան հարող ուժերի լուծարումը, ինչպես նաև նրանց կողմից զենքի հանձնումը: Սա պետք է հաստատվի Ազգային անվտանգության խորհրդի կողմից։
Քվեարկությունից առաջ օրինագծի օգտին հանդես են եկել Թուրքիայի նախագահ Ռեջեփ Թայիփ Էրդողանի իշխող «Արդարություն և զարգացում» կուսակցության (ԱԶԿ) և նրա դաշնակից «Ազգայնական շարժում» կուսակցության (ԱՇԿ) պատգամավորները, ինչպես նաև քրդամետ ընդդիմադիր DEM կուսակցության անդամները։
Թուրքիայի նախագահի վարչակազմը ողջունել է օրենքը՝ այն անվանելով «կարևոր ազդանշան»՝ ի պաշտպանություն «ահաբեկչությունից զերծ Թուրքիայի»։
Մինչ այդ, PKK-ն հայտարարել է, որ օրենքի շատ դրույթներ անարդյունավետ կլինեն, եթե Աբդուլլահ Օջալանն ազատ չարձակվի։
