11.08.2026 | 13:22
Ավստրալիայի վարչապետը շնորհավորել է Նիկոլ Փաշինյանին
Զելենսկին հայտարարել է, որ Ռուսաստանը Զապորոժիեին հարվածել է հյուսիսկորեական բալիստիկ հրթիռներով
Քաղաքականություն
11.08.2026 | 12:49
Երեքշաբթի գիշերը ռուսական ուժերը Զապորոժիեի վրա հարձակման ժամանակ օգտագործել են հյուսիսկորեական հրթիռներ, հայտարարել է Ուկրաինայի նախագահ Վլադիմիր Զելենսկինլ, փոխանցում է BBC-ն։
«Քաղաքին հարված է հասցվել հյուսիսկորեական բալիստիկ հրթիռներով, «Ցիրկոն»-ներով և «ԿԱԲ»-երով։ Դաժան հարձակում, որը նախատեսված էր քաղաքացիական ենթակառուցվածքներին առավելագույն վնաս հասցնելու համար»,- գրել է Զելենսկին։
Զապորոժիեի մարզային իշխանությունների տվյալներով՝ երեքշաբթի գիշերը Զապորոժիեին ռուսական ուժերը հարվածի հետևանքով զոհվել է 6, վիրավորվել՝ 19 մարդ։
Ռուսաստանի պաշտպանության նախարարությունը հայտարարել է, որ հարված է հասցվել Զապորոժիեի «Զապորոժստալ» պողպատաձուլական գործարանին։ Այն «թիթեղի առաջատար արտադրող է, որն օգտագործվում է պաշտպանիչ կառույցներ, ամրացման մոդուլներ, ռազմական մեքենաների համար զրահներ և զրահաբաճկոնների համար թիթեղներ ստեղծելու համար»։
Հուլիսի 30-ին Զելենսկին հայտարարել էր, որ ռուսական ուժերը տևական ժամանակ անց առաջին անգամ հյուսիսկորեական հրթիռ են օգտագործել Կրիվոյ Ռոգի մոտ գտնվող Ռադուշնոյեի վրա հարձակման ժամանակ, որի հետևանքով զոհվել էր 9 մարդ։
Երեկոյան տեսաուղերձում էլ Զելենսկին հայտարարել էր, որ ռուսական զորքերն «առաջին անգամ չեն կարող կռվել առանց Հյուսիսային Կորեայից հրթիռների մատակարարման»։
