11.08.2026 | 12:49
Զելենսկին հայտարարել է, որ Ռուսաստանը Զապորոժիեին հարվածել է հյուսիսկորեական բալիստիկ հրթիռներով
Կոլումբիայում հզոր երկրաշարժի հետևանքով զոհերի թիվը հասել է 132-ի․ ցնցումները զգացվել են նաև Էկվադորում
Քաղաքականություն
11.08.2026 | 12:11
Կոլումբիայի Խաղաղօվկիանոսյան ափին տեղի ունեցած հզոր երկրաշարժի հետևանքով զոհվել է առնվազն 132 մարդ, վիրավորվել՝ 87-ը։ ԱՄՆ երկրաբանական ծառայության տվյալներով՝ երկրաշարժի ուժգնությունը կազմել է 7.4 մագնիտուդ։ Երկրում հայտարարվել է արտակարգ դրություն, հաղորդում է BBC-ի ռուսական ծառայությունը։
Ցնցումները զգացվել են նաև հարևան Էկվադորում։
Երկրաշարժի էպիկենտրոնը, հավանաբար, գտնվել է Սան Խոսե դել Պալմար շրջանում՝ Բոգոտայից մոտավորապես 400 կիլոմետր արևմուտք։
Կալի քաղաքում փլուզվել են մի քանի տասնյակ շենքեր։ Տեղական իշխանությունները հայտնել են, որ փլատակների տակ դեռևս մարդիկ կարող են լինել։
Կոլումբիայի մայրաքաղաքից բացի, ցնցումները զգացվել են նաև Կալի, Պոպայան, Մանիզալես, Արմենիա, Պերեյրա քաղաքներում և երկրի կենտրոնական և արևմտյան մասերի այլ քաղաքներում։
Կոլումբիայի քաղաքացիական ավիացիայի վարչության տվյալներով՝ վնասների պատճառով փակվել են մի քանի տարածաշրջանային օդանավակայաններ։
Այս երկրաշարժը հաջորդում է հունիսի վերջին Վենեսուելայում գրանցված երկու հաջորդական ցնցումներին՝ 7,2 և 7,5 մագնիտուդով։ Այդ ժամանակ երկրաշարժն ավելի քան 5,000 մարդու կյանք էր խլել, հարյուրավոր շենքեր էին ավերվել։
