22.10.2026 | 18:47
Կառավարությունը 148,5 մլն դրամ է հատկացրել 2 հայկական միջնադարյան ձեռագիր ձեռք բերելու համար
Գեներալ Մանվելը ձեզ հետ կամ ինչ-որ մեկի հետ «դուք»-ով խոսացած կա՞․ Եղոյանը՝ Մեսրոպ Մանուկյանին. ՏԵՍԱՆՅՈՒԹ
Քաղաքականություն
11.08.2026 | 11:50
«Դուք հիշեք, որ դուք գեներալ Մանվելի օգնականն եք եղել։ Դա ասում եմ ոչ թե որպես ինչ-որ պիտակ կամ քննադատություն, այլ որպես էթիկայի՝ ձեզ համար ընդունելի նշաձող։ Ձեզ համար էթիկայի ընդունելի նշաձողը էն խոսելաձևն է, որով գեներալ Մանվելը շփվում էր մարդկանց հետ»,- Ազգային ժողովում դիմելով «Հայաստան» դաշինքի խմբակցության պատգամավոր Մեսրոպ Մանուկյանին՝ հայտարարեց «Քաղաքացիական պայմանագիր» խմբակցության պատգամավոր Արման Եղոյանը։
Եղոյանն անդրադարձավ նախորդ օրը Մեսրոպ Մանուկյանի հնչեցրած քննադատությանը, թե իշխող թիմի պատգամավորները երբեմն խախտում են էթիկայի կանոնները։
«Ձեզ հետ մինչև 18 թիվը, ձեզանից պաշտոնով և իշխանությամբ մեծը «դուք»-ով խոսացած կա՞։ Գեներալ Մանվելը ձեզ հետ «դուք»-ով խոսացած կա՞, կամ որևէ մեկի հետ ընդհանրապես «դուք»-ով։ Խնդրում եմ, դուք էդ բաներից չխոսեք։ Պարոն Մանուկյան, եթե մենք իշխանություն չլինենք վաղը, դուք էլի լինելու եք гեներալ Մանվելի օգնականը, դուք չեք լինելու գեներալ Մանվելը էդ մյուս իշխանության մեջ։ Դուք որևէ իշխանական բուրգում միշտ լինելու եք գեներալ Մանվելի օգնականը»,- դիմելով Մանուկյանին՝ ասաց Եղոյանը։
Մանրամասները՝ տեսանյութում։
