11.08.2026 | 12:49
Զելենսկին հայտարարել է, որ Ռուսաստանը Զապորոժիեին հարվածել է հյուսիսկորեական բալիստիկ հրթիռներով
Էդ գմբեթները, որ սարքում էիք առանց թույլտվության, ի՞նչ եղան, էդ փողերի հաշվետվությունը ո՞ւր ա․ Դավոյան. ՏԵՍԱՆՅՈՒԹ
Քաղաքականություն
11.08.2026 | 11:28
«Էդ գմբեթները, որ ինչ-որ մարդկանց բակերում սարքում էիք առանց ՊՆ-ի հետ համագործակցության, առանց թույլտվության, ի՞նչ եղան։ Ոչ թե փլվեցին, այլ նրանք ի սկզբանե փլված էին։ Բա էդ փողերի հաշվետվությունը ու՞ր է, ի՞նչ արեցիք»,- Ազգային ժողովի ամբիոնից ընդդիմադիրներին դիմեց «Քաղաքացիական պայմանագիր» խմբակցության պատգամավոր Արփինե Դավոյանը։
Պատգամավորը, անդրադարձավ ընդդիմության կողմից բանակին վերաբերող քննարկումներին ու քննադատություններին, ասաց.
«2018, հատկապես 2020 թվականից հետո բանակը անընդհատ զարգանում է, փոփոխվում է, կերպարանափոխվում է, սակայն մեր ընդդիմադիր գործընկերների տեքստերը հենց այդպես էլ շարունակում են մնալ նույնը։ Դուք պատերազմից հետո մարդկանց զգացմունքներն օգտագործեցիք, փող հավաքեցիք, ինչ-որ չգիտեմ ինչեր սարքեցիք, կիսատ-պռատ կառույցներ։ Ուղղակի ամոթ է էլի, էդ գմբեթներից հետո որ դուք բանակի մասին խոսում եք, մարդու ծիծաղ է գալիս»,- ասաց Դավոյանը։
Մանրամասները՝ տեսանյութում։
Անի Թամրազյան
