21.10.2026 | 16:23
Պուտինը Ուիթկոֆին հայտնել է, որ ԱՄՆ-ի հետ դիզելային գործարքի շրջանակում առաջին լցանավերը կմեկնեն երկու-երեք օրից
ԹԻՀԿ-ն ուսումնասիրել է Երևանի 70 բարեկարգված բակերի ու խաղահրապարակների որակն ու անվտանգությունը
Քաղաքականություն
10.08.2026 | 23:23
Երևանում 2024 թվականին բարեկարգված և վերանորոգված 70 բակային տարածքների ու խաղահրապարակների ուսումնասիրությամբ ԹԻՀԿ-ն խնդիրներ է արձանագրել աշխատանքների որակի, անվտանգության, կանաչապատման, գնումների թափանցիկության և բնակիչների մասնակցության ոլորտներում։
«Որքանո՞վ են Երևանի բարեկարգված բակերն ու խաղահրապարակները որակյալ, անվտանգ և համապատասխան բնակիչների կարիքներին։
ԹԻՀԿ-ն ուսումնասիրել է Երևանում 2024 թվականին բարեկարգված և վերանորոգված 70 բակային տարածք ու խաղահրապարակ՝ գնահատելով ինչպես կատարված աշխատանքների որակը, այնպես էլ դրանց համար ծախսված հանրային միջոցների օգտագործման թափանցիկությունն ու արդյունավետությունը։
Հետազոտությունն իրականացվել է 14 մոնիտորի մասնակցությամբ՝ համադրելով դաշտային դիտարկումները, գնումների փաստաթղթերի ուսումնասիրությունը և բնակիչների կարծիքները։
Վերհանված խնդիրների հիման վրա ԹԻՀԿ-ը ներկայացրել է մի շարք առաջարկներ, որոնք, մասնավորապես, վերաբերում են գնումների և փաստաթղթերի թափանցիկությանը, մրցակցության ուժեղացմանը, աշխատանքների ու տեղադրված գույքի որակի վերահսկմանը, կանաչապատման և ոռոգման պատշաճ կազմակերպմանը, բնակիչների մասնակցությանը, ինչպես նաև հանձնման-ընդունման և հետագա սպասարկման ավելի արդյունավետ մեխանիզմների ներդրմանը»,- ասվում է հաղորդագրությունում։
Մանրամասները՝ այստեղ։
