21.10.2026 | 16:11
Ռուսական երկաթուղիների ներկայացուցիչների հետ 3 ամսում լուծումներ գտնելու պայմանավորվածություն կա․ ՏԵՍԱՆՅՈՒԹ
Կոլումբիայում 7.4 մագնիտուդով հզոր երկրաշարժ է տեղի ունեցել․ զոհերի թիվը հասել է 20-ի
Քաղաքականություն
10.08.2026 | 19:54
Կոլումբիայի արևմտյան հատվածում՝ Չոկո դեպարտամենտում, օգոստոսի 10-ին հզոր երկրաշարժ է տեղի ունեցել։ ԱՄՆ Երկրաբանական ծառայության տվյալներով՝ երկրաշարժի ուժգնությունը կազմել է 7.4 մագնիտուդ, իսկ օջախը եղել է Սան Խոսե դել Պալմար քաղաքի մոտ՝ 107 կմ խորության վրա:
Meduza-ի փոխանցմամբ՝ վերջին տվյալներով՝ երկրաշարժի հետևանքով զոհվել է առնվազն 20 մարդ։ Փրկարարական աշխատանքները շարունակվում են, իսկ իշխանությունները գնահատում են աղետի հետևանքով պատճառված վնասը։
Երկրաշարժը զգացվել է Կոլումբիայի մի շարք քաղաքներում, այդ թվում՝ Բոգոտայում, Կալիում և Մանիսալեսում։ Տարբեր բնակավայրերում արձանագրվել են շենքերի փլուզումներ, իսկ որոշ վայրերում մարդիկ մնացել են փլատակներում։
Չոկոյի նահանգապետ Նուբիա Կորդոբա-Կուրին հայտնել է, որ տարածաշրջանի մայրաքաղաք Կիբդոյում կան տուժածներ։ Իշխանությունները նաև զգուշացնում են հետցնցումների հնարավորության մասին։
Երկրաշարժի ցնցումները զգացվել են նաև հարևան Էկվադորում։
