05.09.2026 | 11:30
«Այսօր ձեր հարսանիքը չի՞». Ալեն Սիմոնյանը ևս ներկա է Արմեն Գրիգորյանի գրքի շնորհանդեսին
Բուլղարիայում զինամթերքի պահեստում պայթյուն է տեղի ունեցել
Քաղաքականություն
10.08.2026 | 15:19
Բուլղարիայում Տրյավնայի շրջանի զենքի գործարանի զինամթերքի պահեստում պայթյուն է տեղի ունեցել։ Այս մասին հաղորդել է Բուլղարիայի ազգային հեռուստատեսությունը՝ վկայակոչելով տեղական իշխանություններին, փոխանցում է ՌԻԱ Նովոստին։
«Գաբրովոյի շրջանից հրշեջներ և ոստիկաններ են ուղարկվել դեպքի վայր։ Այս պահին զոհերի կամ վիրավորների մասին տեղեկություններ չկան։ Տարածքը շրջափակված է»,- սոցիալական ցանցերում հայտարարել է Գաբրովոյի քաղաքապետ Դենչո Մինևը։
Նախնական տեղեկություններով՝ Բելիցա գյուղում գտնվող պահեստներից մեկում հրդեհը առաջացել է բեռնատարի հրդեհից։ Միջադեպից հետո երկրորդային պայթյուններ են լսվել, տարածքի վրա ծխի հսկայական ամպեր են բարձրացել։
Մինևը կոչ է արել տեղի բնակիչներին փակել պատուհանները, պաշտպանիչ դիմակներ կրել և մնալ տանը։
Բելիցայի գործարանը պատկանում է գործարար Էմիլիան Գեբրևի սեփականություն հանդիսացող EMSO զենք արտադրող ընկերությանը։
