04.09.2026 | 23:57
Էդուարդ Սպերցյանի գոլն օգնեց «Ալ Ահլիին» վստահ հաղթանակ տանել. ՏԵՍԱՆՅՈՒԹ
Որ խմբակցությունն ինչ մշտական հանձնաժողով ընտրեց. ՏԵՍԱՆՅՈՒԹ
Քաղաքականություն
10.08.2026 | 15:03
Ազգային ժողովում բաշխվել են մշտական հանձնաժողովների նախագահների պաշտոնների առաջադրման իրավունքները։ Այսպես՝ 8 հանձնաժողովի նախագահի թեկնածու առաջադրեց «Քաղաքացիական պայմանագիր» խմբակցությունը, 3-ի՝ «Ուժեղ Հայաստանը», իսկ 1-ի՝ «Հայաստան» խմբակցությունը։
Հանձնաժողովների նախագահների պաշտոնների բաշխման ընթացքում «Քաղաքացիական պայմանագիրը» ընտրեց Պաշտպանության և անվտանգության, Պետաիրավական, Արտաքին հարաբերությունների, Տնտեսական հարցերի, Կրթության, գիտության, մշակույթի, սպորտի և սփյուռքի, Առողջապահության, Աշխատանքի և բարեկեցության հարցերի, ինչպես նաև Տարածաշրջանային և եվրասիական ինտեգրման հարցերի մշտական հանձնաժողովները։
«Ուժեղ Հայաստանը» ընտրեց Ֆինանսավարկային և բյուջետային, Տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության հարցերի, ինչպես նաև Եվրոպական ինտեգրման հարցերի մշտական հանձնաժողովները։
«Հայաստան» խմբակցությանը բաժին հասավ Մարդու իրավունքների պաշտպանության և հանրային հարցերի մշտական հանձնաժողովի նախագահի թեկնածու առաջադրելու իրավունքը։
Հանձնաժողովների ընտրության ընթացքում «Ուժեղ Հայաստան» խմբակցության ղեկավար Նարեկ Կարապետյանը, մասնավորապես, ընտրեց Եվրոպական ինտեգրման հարցերի մշտական հանձնաժողովը, ինչին Ռուբեն Ռուբինյանն արձագանքեց․ «Հետաքրքիր ընտրություն էր, պարո՛ն Կարապետյան»։
Մանրամասները՝ տեսանյութում։
