11.12.2024 | 11:14
Ադրբեջանի և Հայաստանի միջև խաղաղության հաստատման հարցում հասել ենք ամենամոտ կետին․ Հաքան Ֆիդան
Սպառողը պետք է հստակ տեղեկություն ունենա, թե ինչ է ուտում. պաղպաղակի պիտակավորման մեջ թերություններ կան
Տնտեսություն
26.07.2017 | 13:26
«Հայաստանի սպառողների ազգային ակադեմիայի» նախագահ Մելիտա Հակոբյանը և մոնիթորինգի բաժնի ղեկավար Ռուբեն Հայթյանն այսօր լրագրողների հետ հանդիպմանը ներկայացրին կաթնամթերքի և էլեկտրատեխնիկայի ոլորտներում կատարված ուսումնասիրության արդյունքները:
«Պաղպաղակի սեզոնը բացվեց, ու այն դարձավ ամենօրյա օգտագործման մթերք թե՛ երեխաների, թե՛ մեծերի համար»,- ասաց Մելիտա Հակոբյանն ու նշեց, որ այդ առնչությամբ որոշել են լինել կաթնամթերք արտադրող բոլոր ընկերություններում ու բոլորին նամակ են ուղարկել, սակայն արձագանքել է միայն 5 ընկերություն:
«Այդ ընկերություններում գրեթե թերություններ չկան, արտադրական պրոցեսում խախտումներ չեն արձանագրվել»,- պատմեց նա:
Իսկ Ռուբեն Հայթյանը հավելեց, որ սպառողը պետք է հստակ տեղեկություն ունենա, թե ինչ է ուտում. «Պաղպաղակի պիտակավորման մեջ թերություններ կան, գրված է բուսական յուղ, սակայն չի նշվում, թե ինչ յուղ է օգտագործված»:
Առավել մանրամասն՝ տեսանյութում:
