04.09.2026 | 17:54
«Տիգրան Մեծ» բնակելի շենքի կառուցապատողը տուգանվել է 15.2 մլն դրամով և պարտավորվել փոխհատուցել բնակիչներին
Մարդիկ պետք է ամսական 65 հազար դրամ վճարելով՝ բնակարան ունենան. Գագիկ Ծառուկյան
Քաղաքականություն
04.12.2018 | 15:40
«Ես այսօր ուզում եմ մեր քաղաքացիների դեմքին փայլ լինի, ժպիտ լինի, Հայաստանից գնացածները վերադառնան»,- այս մասին նախընտրական քարոզարշավի ժամանակ ասաց ԲՀԿ առաջնորդ Գագիկ Ծառուկյանը:
Վերջինիս համոզմամբ՝ մարդկանց զգալի մասը բնակարանի խնդիր ունի:
Գագիկ Ծառուկյանը նշեց, որ պետությունը պետք է տարածքներ հատկացնի բնակարանաշինության համար: «Կամ էլ պիտի բնակարաններով ապահովի, որ մարդիկ ամսական 65 հազար դրամ վճարելով՝ բնակարան ունենան»,- նշեց Ծառուկյանը:
Գագիկ Ծառուկյանը խոսեց նաև բանկային համակարգի խնդիրների մասին և շեշտեց, որ քաղաքացիներին պետք է տրամադրվեն վարկեր 1-2 տոկոսով, և վարկային համակարգի այս փոփոխությունը կբերի ոլորտի առողջացման և նոր թափով զարգացման։
ԲՀԿ առաջնորդն իր ելույթում շեշտեց նաև փոքր և միջին բիզնեսին հարկերից ազատելու անհրաժշտության մասին և ընդգծեց, որ 450 հազար մարդ աշխատում է այս դաշտում, ուստի պետք է նրանց համար ստեղծել զարգացման առավելագույն պայմաններ։
Անդրադառնալով գյուղացու հոգսերին, մասնավորապես՝ բերք ու բարիքի իրացմանը, Գագիկ Ծառուկյանը ասաց, որ հողագործությամբ զբաղվող գյուղացիները առաջին հերթին պետք է լուծեն այդ խնդիրը. «Աշնանը մարդկանց ձեռքը պետք է փող լինի»:
