16.06.2026 | 19:10
«Հորն ու մորն էլ չի ճանաչում»․ մանրամասներ թմրանյութից տուժած 12-ամյա տղայի վիճակի մասին
Կարգադրիչները փորձում են «զննել», իսկ փաստաբանները չեն «խուզարկվում». «Սասնա ծռերի» նիստը չսկսած ընդմիջվեց
Հասարակություն
26.07.2017 | 12:36
«Սանա ծռերի» 14 անդամների գործով դատական նիստի մեկնարկին նախագահող դատավոր Արտուշ Գաբրիելյանը հայտարարեց, որ նիստին ներկա չեն գործով փաստաբաններ՝ Տիգրան Եգորյանը, Արայիկ Պապիկյանն ու Մուշեղ Շուշանյանը։
«Նրանց կրկին ապօրինի պահանջ է ներկայացվել՝ բացել պայուսակը՝ «զննության» համար, ու պահանջը չկատարելու համար արգելվել է նրանց մուտքը նիստերի դահլիճ»,- բացատրեցին փաստաբաններ Ինեսա Պետրոսյանն ու Հայկ Ալումյանը:
Դատավորն ընթերցեց փաստաբանների ներկայացրած արձանագրություններն իրենց «խուզարկության» ենթարկելու մասին և հեռացավ խորհրդակցական սենյակ՝ փաստաբանների վարքագծի նկատմամբ համապատասխան որոշում կայացնելու համար։
Հիշեցնենք, «Սասնա ծռեր» կոչվող զինված խումբը անցած տարվա հուլիսի 17-ին գրավել և երկու շաբաթ վերահսկողության տակ էր պահել Ոստիկանության ՊՊԾ գնդի տարածքը: Հուլիսի 31-ին խմբի անդամները հանձնվեցին իրավապահներին
