27.09.2026 | 16:24
Ադրբեջանում երկրաշարժ է գրանցվել
Շուրջ 26 մլն դրամ՝ Ազգային ժողովի նոր վերելակի համար
Հասարակություն
06.08.2026 | 11:02
Կառավարության պահուստային ֆոնդից 25 մլն 992 հազար դրամ է փոխանցվելու Ազգային ժողովի աշխատակազմին՝ վարչական շենքին կից արտաքին վերելակի կառուցման աշխատանքների դիմաց կապալառուին վճարում կատարելու նպատակով։ Այս մասին Factor.am-ը տեղեկանում է Ֆինանսների նախարարության փաստաթղթերից։
Հիմնավորման համաձայն՝ արտաքին վերելակի կառուցման համար «ԱՎԱԳ-ՇԻՆ» ՍՊԸ-ի հետ կնքված պայմանագրով նախատեսված աշխատանքները մինչև 2025 թվականի ավարտը ամբողջությամբ չեն իրականացվել, ինչի հետևանքով ծրագրի համար ՀՀ կառավարության որոշմամբ հատկացված ֆինանսական միջոցները վերադարձվել են պետական բյուջե։
Նշվում է, որ կապալառուն պայմանագրով ստանձնած պարտավորություններն ամբողջությամբ կատարել է 2026 թվականի առաջին կիսամյակում, աշխատանքներն ընդունվել են պատվիրատուի կողմից, իսկ ընկերությունը ներկայացրել է ընդհանուր 25 մլն 992 հազար դրամի հարկային հաշիվներ, որոնք ենթակա են վճարման։
ԱԺ աշխատակազմը ծախսը համարում է հրատապ և առաջնային՝ այն հիմնավորելով վարչական շենքում անվտանգության ապահովման անհրաժեշտությամբ։
Նարեկ Կիրակոսյան
