29.10.2026 | 23:25
Ջրագիծ է վնասվել. Գյումրիում ջրանջատում է
Արգենտինայի Պատգամավորների պալատում կազմավորվել է Հայաստանի հետ բարեկամության խումբ
Քաղաքականություն
05.08.2026 | 23:19
Օգոստոսի 4-ին Արգենտինայի Հանրապետության Պատգամավորների պալատում տեղի է ունեցել Հայաստանի հետ բարեկամության խորհրդարանական խմբի կազմավորման պաշտոնական արարողությունը։ Այս մասին տեղեկացնում են Արգենտինայում ՀՀ դեսպանությունից։
Միջոցառմանը մասնակցել են խմբի նախագահ Մարիա Լուիսա Գոնսալես Էստեվարենան, խմբի անդամները, Արգենտինայում ՀՀ դեսպան Հովհաննես Վիրաբյանը և դեսպանության ներկայացուցիչները։
Կողմերը քննարկել են հայ-արգենտինյան միջխորհրդարանական համագործակցության զարգացման հեռանկարները՝ կարևորելով խորհրդարանական դիվանագիտության դերը երկկողմ հարաբերությունների ամրապնդման գործում։
