Քաղաքականություն
04.12.2018 | 15:40
Մեծ Բրիտանիան կարող է միակողմանի կարգով հետ կանչել Եվրամիության կազմից թագավորության դուրս գալու մասին ծանուցումը, քանի որ դեռ կողմերն այդ հարցով պաշտոնապես համաձայնագիր չեն կնքել: ՏԱՍՍ-ի փոխանցմամբ՝ այս մասին հայտնել է Եվրոպական արդարադատության դատարանի գլխավոր փաստաբան Կամպոս Սանչես-Բորդոնը:
«50-րդ հոդվածը (ԵՄ-ից դուրս գալու իրաունքի մասին Լիսաբոնյան համաձայնագրի) թույլ է տալիս միակողմանի կարգով հետ կանչել Եվրամիությունից դուրս գալու մտադրության մասին ծանուցումը: Նման հնարավորությունը պահպանվում է այնքան ժամանակ, քանի դեռ դուրս գալու մասին համաձայնագիրը պաշտոնապես չի կնքվել»,- ասված է փաստաբանի հայտարարությունում:
ԵՄ դատարանն այս մասին տեղեկացրել է՝ պատասխանելով խնդիրը պարզաբանելու մասին մի շարք եվրապատգամավորների և դատարանների, մասնավորապես՝ շոտլանդական տրիբունալի հարցմանը:
