27.09.2026 | 18:41
ՏԻՄ ընտրությունների մասնակցության արդյունքները ըստ համայնքների՝ 17։00-ի դրությամբ
Սպառնալիք եք տեսնում ու որոշում կթել այն․ Ռուբեն Ռուբինյանը՝ ընդդիմությանը. ՏԵՍԱՆՅՈՒԹ
Քաղաքականություն
05.08.2026 | 16:45
Ազգային ժողովի փոխնախագահ Ռուբեն Ռուբինյանը խորհրդարանի ամբիոնից պատասխանել է ընդդիմության հարցերին՝ ներկայացնելով իշխանության տեսակետը Հայաստանին սպառնացող վտանգների և հայրենիքի ընկալման վերաբերյալ:
Ռուբինյանը հստակեցրել է, որ հիմնական սպառնալիքները գալիս են Ադրբեջանից և Թուրքիայից: Նրա խոսքով՝ Ադրբեջանի հետ խաղաղությունը դեռևս անշրջելի և ինստիտուցիոնալ չէ, իսկ Թուրքիայի հետ փակ սահմանն ու դիվանագիտական հարաբերությունների բացակայությունը տնտեսական և դիվանագիտական վտանգներ են պարունակում: Ռուբինյանը նշել է նաև տնտեսական և էներգետիկ կապերի դիվերսիֆիկացման անհրաժեշտությունը:
Հակադրելով իշխանության և ընդդիմության մոտեցումները՝ նա ասել է. «Մենք տեսնում ենք սպառնալիք, մենք ուզում ենք վերացնել այդ սպառնալիքը… դուք տեսնում եք սպառնալիք և որոշում եք կթել այդ սպառնալիքը»:
Ըստ նրա՝ Դաշնակցությունը «սնվում է սպառնալիքով», քանի որ առանց դրանց կորցնելու է իր գոյության իմաստը:
Մանրամասները՝ տեսանյութում։
Եվգենյա Համբարձումյան
