16.07.2026 | 11:30
ՌԴ-ն հրթիռային հարված է հասցրել Կիևին․ զոհեր և վիրավորներ կան
Քոչարյանի պաշտպանները Սահմանադրական դատարան դիմելու միջնորդություն են ներկայացնում
Հասարակություն
04.12.2018 | 15:04
Վերաքննիչ քրեական դատարանում այսօր շարունակվում է քննվել 2-րդ նախագահ Ռոբերտ Քոչարյանի գործով դատական նիստը, որն արդեն շարունակվում է 3,5 ժամ՝ առանց ընդմիջման։
Այս պահին Ռոբերտ Քոչարյանի պաշտպանները միջնորդում են դիմել Սահմանադրական դատարան։
Այս մասին լրագրողների հետ կարճ զրույցում ասաց Քոչարյանի պաշտպան Հայկ Ալումյանը։ Ի դեպ, այսօր պաշտպանները նախընտրում են շատ չխոսել լրագրողների հետ և վերջիններիս հարցերին պատասխանում են շատ կարճ։
Ըստ պաշտպան Հայկ Ալումյանի՝ դատական նիստի ժամանակ դահլիճում հնչել են ռեպլիկներ, նիստին ներկա է Ռոբերտ Քոչարյանը։
Նշենք, որ պաշտպանները կարծում են որ 2008 թվականի Քրեական օրենսգրքի 300-րդ հոդվածը հակասահմանադրական է, և այս հարցում կա իրավական որոշակիության խնդիր։
Ռոբերտ Քոչարյանին Սահմանադրական կարգի տապալմանը մեղադրանք առաջադրվել է այս հոդվածի հատկանիշներով, որն այժմ համարվում է գործող Քրեական օրենսգրքի 301․1 հոդվածը։
