16.12.2025 | 13:33
Արման Ծառուկյանի մրցակիցը փոխվել է
Ուսումնական կենտրոնի հետ կապը կորցրած ինքնաթիռի որոնման տեղը մոտավոր հայտնի է․ Արծրուն Հովհաննիսյան
Քաղաքականություն
04.12.2018 | 14:12
Այսօր առավոտյան ուսումնամարտական թռիքչի մեկնած Սու-25 ՈւԲ ուսումնական տիպի ինքնաթիռը թռիչքի ընթացքում ուսումնական կենտրոնի հետ կապը կորցրել է։
Factor.am-ի հետ զրույցում ՀՀ ՊՆ խոսնակ Արծրուն Հովհաննիսյանը հայտնեց, որ ինքնաթիռի ու նրա երկու օդաչուների որոնմանը մասնակցում են և՛ ուղղաթիռով, և՛ հետիոտն փրկարարների խմբերով և արդեն մոտավոր գիտեն, թե որտեղ պետք է փնտրել ինքնաթիռը։
«Մարալիկի մոտակայքն է, որտեղ էլ կատարվում են որոնումները։ Նշեմ, որ վթարի դեպքում օդաչուները կարող էին դրանից դուրս ցատկել պարաշյուտների միջոցով»,-ասաց ՊՆ խոսնակը։
Հիշեցնենք, որ ՀՀ ՊՆ-ի տարածած հաղորդագրության համաձայն՝ Ս.թ. դեկտեմբերի 4-ին, ժամը 10.20-ի սահմաններում, կորել է կապը ամենօրյա մարտական պատրաստության պլանով ուսումնամարզական թռիչք իրականացնող ՀՀ զինված ուժերի ՍՈՒ-25 մարտական ինքնաթիռի հետ: Ինքնաթիռը թռիչքային երթուղի էր դուրս եկել ժամը 10.06-ին` Գյումրիի օդանավակայանից:
