14.09.2026 | 10:12
Երևանի քաղաքապետարանի գործակարգավարական խորհրդակցությունը. ՈՒՂԻՂ
Հայկ Կոնջորյանն ընտրվեց ԱԺ փոխնախագահի պաշտոնում
Քաղաքականություն
04.08.2026 | 17:02
Այսօր Ազգային ժողովը 63 կողմ և 28 դեմ ձայների հարաբերակցությամբ խորհրդարանի փոխնախագահի պաշտոնում ընտրեց «Քաղաքացիական պայմանագիր» խմբակցության ղեկավար Հայկ Կոնջորյանին:
«Շնորհակալ եմ վստահության համար»,-իր տեղը զբաղեցնելով ասաց Կոնջորյանը։
ԱԺ «Ուժեղ Հայաստան» խմբակցության ղեկավար Նարեկ Կարապետյանը տեղեկացրել էր, որ խմբակցությունը դեմ է քվեարկելու Հայկ Կոնջորյանի թեկնածությանը։
«Հայաստան» խմբակցության ղեկավար Աննա Գրիգորյանն էլ հայտնել է, որ խմբակցությունը չի մասնակցելու քվեարկությանը։
ԱԺ «Քաղաքացիական պայմանագիր» խմբակցության անունից ելույթ ունենալով՝ խմբակցության ղեկավար Արուսյակ Մանավազյանն անդրադարձել է ԱԺ նախագահի տեղակալի թեկնածու Հայկ Կոնջորյանի՝ ԱԺ նախորդ գումարումներում պատգամավորական որակյալ գործունեությանը, փաստարկված հակադարձել ընդդիմադիր գործընկերների ելույթներում հնչած տեսակետներին։
«Այս երկու օրերի քննարկումն ինձ մոտ վերահաստատեց այն համոզմունքը, որ մեր ընդդիմադիր գործընկերներն իմ թեկնածության հետ կապված հակափաստարկ և ասելիք չունեն։ Ամեն ինչ՝ իմ թեկնածության, ինձ հետ փոխկապակցված անձանց շուրջ, բայց ոչինչ՝ իմ գործունեության վերաբերյալ»,- եզրափակիչ ելույթում ընդգծել է Հայկ Կոնջորյանը։
