02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
ԱԺ-ն կրկես չի՛․ Ռուբինյանը անջատեց Էդգար Ղազարյանի խոսափողը․ ՏԵՍԱՆՅՈւԹ
Քաղաքականություն
04.08.2026 | 17:04
Ազգային ժողովի նիստերի դահլիճում հերթական լարված միջադեպն է տեղի ունեցել ԱԺ փոխնախագահ Ռուբեն Ռուբինյանի և ընդդիմադիր պատգամավորների միջև: Իրավիճակը սրվել է այն պահին, երբ Էդգար Ղազարյանը ԱԺ նախագահի տեղակալի պաշտոնում Վահագն Ալեքսանյանի ընտրության ժամանակ դադար է տվել՝ նշելով, թե փորձում է «ձևակերպել» իր միտքը:
Արձագանքելով Ղազարյանի լռությանը՝ Ռուբինյանը հրահանգել է անջատել խոսափողը։ ԱԺ փոխնախագահը կոշտ է արձագանքել դահլիճից հնչող դժգոհություններին՝ հայտարարելով. «Ազգային ժողովի նիստերի դահլիճը կրկես չի՛»։
Մեսրոպ Մանուկյանը փորձել է միջամտել՝ հայտարարելով, որ իր հարցի իրավունքը զիջում է Էդգար Ղազարյանին: Սակայն Ռուբինյանը մերժել է այս առաջարկը՝ պարզաբանելով. «Դուք չեք կարող զիջել իրավունք» և խոսքը փոխանցել է հաջորդ հերթագրվածին՝ Լևոն Քոչարյանին:
Լևոն Քոչարյանն իր հերթին քննադատել է նիստը նախագահողի վարքագիծը՝ այն որակելով սխալ:
«Կարելի՞ է, ժողովո՛ւրդ, այսքան խոսում եք բարեկրթությունից… Մարդը մտքերն է հավաքում, ուզում է ձևակերպի, ասենք՝ իրականում սա ճիշտ բան չեք անում»,- դիմելով մեծամասնությանը՝ ասել է Քոչարյանը։ Նա նաև հարց է ուղղել Վահագն Ալեքսանյանին՝ փորձելով պարզել՝ արդյո՞ք վերջինս համաձայն է նման գործելաոճի հետ։
Մանրամասները՝ տեսանյութում։
Եվգենյա Համբարձումյան
