08.03.2026 | 12:12
Բեյրութում հյուրանոցի վրա հարվածի հետևանքով 4 մարդ է զոհվել․ Իսրայելը հայտարարում է, որ թիրախը իրանցի հրամանատարներն էին
«Մեր նպատակն է, որ քաղաքացին ոչ թե «ծուռ վզով նայի հարուստներին», այլ հենց քաղաքացին աշխատի, հարստանա ու հարստացնի»․ Նիկոլ Փաշինյան․ ՏԵՍԱՆՅՈՒԹ
Քաղաքականություն
04.12.2018 | 13:58
Վարչապետի պաշտոնակատար Նիկոլ Փաշինյանն այսօր Ապարան քաղաքում քարոզարշավի ժամանակ խոսեց Կառավարության տնտեսական քաղաքականության առաջնահերթությունների մասին և նշեց․ «Մենք ուզում ենք մարդկանց աջակցենք, օգնենք, որ իրենք իրենց ընտանիքի բարեկեցությունը կարողանան ապահովել, բայց ոչ հին վիճակներով, երբ կառավարությունն աղքատության խրախուսման քաղաքականություն էր վարում»։
Վերջինս նշեց, որ իրենք վարելու են աղքատության վերացման և աշխատանքի խրախուսման քաղաքականություն: «Մեր նպատակն է, որ քաղաքացին ոչ թե «ծուռ վզով նայի հարուստներին», այլ հենց քաղաքացին աշխատի, հարստանա ու հարստացնի»,- ասաց վարչապետի պաշտոնակատարը:
Անդրադառնալով սոցիալական խնդիրներին՝ Փաշինյանը շեշտեց, որ 85 հազար մարդու նպաստ ու թոշակ եկող տարվա հունվարի 1-ից ավելանալու է,և այդ ավելացումները տրվելու են սոցիալապես անապահով խավերին։
«Այս մարդկանց թոշակը նույնիսկ հաց ու պանրին չէր հերիքում: Մենք առաջին հերթին որոշեցինք այս մարդկանց հարցը լուծել, քանի որ մենք մտածեցինք, որ ամոթ է մեր երկրում սովահար մարդ լինի»,- ասաց նա։
Մանրամասները՝ տեսանյութում։
