21.10.2026 | 21:58
Երևան, Ալավերդի, Վանաձոր քաղաքների մի շարք հասցեներում, Դարպաս բնակավայրում վթարային գազանջատում կլինի
Որոշումը իմն է, վարչությանը և խմբակցությանը. Ռուբինյանը` ԱԺ նիստերին բարեկիրթ լինելու առաջարկի մասին․ ՏԵՍԱՆՅՈՒԹ
Քաղաքականություն
03.08.2026 | 17:51
Ազգային ժողովի փոխնախագահ Ռուբեն Ռուբինյանը լրագրողների հետ ճեպազրույցում հայտարարել է, որ խորհրդարանում բարեկիրթ բանավեճ ունենալու մոտեցումը միանձնյա որոշում չէ, այլ համաձայնեցված է «Քաղաքացիական պայմանագիր» կուսակցության վարչության և խմբակցության հետ։
«Բարեկրթության վերաբերյալ մոտեցման առումով որոշումը իմն է, վարչությանը և խմբակցությանը։ Այսինքն՝ ես միայնակ չէի կարող, չէի կարող խմբակցության անունից խոստանալ, որ մենք կլինենք բարեկիրթ, եթե դա չլիներ խմբակցության որոշումը»,- ընդգծել է Ռուբինյանը։
Անդրադառնալով պատգամավորների և ԱԺ աշխատակիցների պարգևավճարների համակարգին՝ ԱԺ փոխնախագահը նշել է, որ որևէ փոփոխություն չի նախատեսվում․ «Պարգևավճարների առումով, դուք գիտեք, որ կա ներդրված համակարգ՝ Կառավարության կողմից ներդրված, որը հիմնված է կատարողականի գնահատման վրա, և Ազգային ժողովը դրա մասն է։ Սա է շարունակվելու։ Այսինքն՝ այդ առումով փոփոխություններ չեն լինելու վերջին ամիսների համեմատ»։
Մանրամասները՝ տեսանյութում։
