03.08.2026 | 19:19
Իդրամը և IDBank-ը՝ Seaside Startup Summit-ի ստարտափների կողքին
Զելենսկին հայտնել է, թե ինչ պաշտոնի է նշանակվելու Ռուստեմ Ումերովը
Քաղաքականություն
03.08.2026 | 16:09
Ուկրաինայի Ազգային անվտանգության և պաշտպանության խորհրդի քարտուղար Ռուստեմ Ումերովը կնշանակվի Ուկրաինայի արտաքին հետախուզության ծառայության նոր ղեկավար։ Այս մասին երկրի նախագահ Վլադիմիր Զելենսկին հայտարարել է Կիևում Ուկրաինայի դեսպանների հանդիպման ժամանակ, գրում է ՌԲԿ Ուկրաինան։
Նա նշել է, որ Ումերովը կշարունակի համակարգել անօդաչու թռչող սարքերի հետ կապված գործարքները և ոչ միայն Մերձավոր Արևելքը։ Նա նաև հաստատել է Ումերովի նշանակումը Ուկրաինայի արտաքին հետախուզության ծառայության ղեկավարի պաշտոնում։
«Եվ որպեսզի նրան ավելի շատ հնարավորություններ տրվեն միաժամանակ զբաղվել հենց այս հարցերով՝ դիվանագիտությամբ, պաշտպանությամբ և ԱՄՆ-ի ու այլ գործընկերների հետ բանակցային գործընթացով, ինչպես նաև պատերազմի ավարտի բանակցություններով, Ումերովը կնշանակվի Ուկրաինայի արտաքին հետախուզության ծառայության ղեկավար»,- ասել է Զելենսկին։
Ռուստեմ Ումերովը Ուկրաինայի Ազգային անվտանգության և պաշտպանության խորհրդի քարտուղարի պաշտոնը զբաղեցնում է 2025 թվականի հուլիսից, մինչ այդ նա պաշտպանության նախարարն էր։
Ավելի վաղ ուկրաինական ԶԼՄ-ները հայտնել էին, որ Զելենսկին պատրաստվում է Ռուստեմ Ումերովին նշանակել Ուկրաինայի արտաքին հետախուզության ծառայության ղեկավար։
Թարգմանությունը՝ Էմմա Չոբանյանի
