27.09.2026 | 18:41
ՏԻՄ ընտրությունների մասնակցության արդյունքները ըստ համայնքների՝ 17։00-ի դրությամբ
927 մլն դոլար․ Սարդ-մարդու մասին նոր ֆիլմը տարվա ամենաեկամտաբեր մեկնարկն է գրանցել կինովարձույթում
Քաղաքականություն
03.08.2026 | 17:21
Marvel-ի նոր ֆիլմը սուպերհերոսի մասին՝ «Սարդ-մարդը. նոր օր» («Spider-Man: Brand New Day»), ցուցադրության առաջին շաբաթվա վերջին ամբողջ աշխարհում կինովարձույթում վաստակել է 927 միլիոն դոլար: Deadline-ի տվյալներով՝ սա կինոյի պատմության մեջ երկրորդ լավագույն մեկնարկն է, փոխանցում է Meduza-ն:
Առաջին շաբաթավերջի ընթացքում «Սարդ-մարդը․ նոր օր» ֆիլմը ԱՄՆ-ում և Կանադայում հավաքել է 355 միլիոն դոլար, իսկ արտասահմանյան կինովարձույթում՝ ևս 572 միլիոն դոլար։ Ֆիլմը բարձր գնահատականի է արժանացել ինչպես կինոքննադատների, այնպես էլ հանդիսատեսի կողմից։
«Վրիժառուները. վերջնախաղը» մնում է ամենաշատ եկամուտ ունեցող ֆիլմը՝ ցուցադրության առաջին հանգստյան օրերին վաստակելով 1,22 միլիարդ դոլար։ 2019 թվականին թողարկված «Վրիժառուները. անվերջության պատերազմը» (2018) զբաղեցնում է երրորդ տեղը՝ վաստակելով 640,5 միլիոն դոլար։
Կանխատեսվում է, որ «Սարդ-մարդը» ֆիլմի նոր տարբերակը, ի վերջո, կդառնա 2026 թվականի ամենաշատ եկամուտ ունեցող ֆիլմը՝ գերազանցելով «Խաղալիքների պատմություն 5»-ին։ Ֆիլմը, որի համաշխարհային թողարկումը տեղի է ունեցել մայիսի վերջին, մինչ օրս վաստակել է 1,065 միլիարդ դոլար։
Թարգմանությունը՝ Էմմա Չոբանյանի
