06.09.2026 | 20:00
«Շատ մեծ ուրախություն էր, երբ իմացանք, որ խաղալու ենք «Միլանի» դեմ»․ Գևորգ Ղազարյան․ ՏԵՍԱՆՅՈւԹ
Լիխտենշտեյնը զանգվածային կիբերհարձակման է ենթարկվել․ 31,000 մարդու անձնական տվյալ է գողացվել
Քաղաքականություն
03.08.2026 | 12:01
Լիխտենշտեյնը խոշոր կիբերհարձակման զոհ է դարձել, որի հետևանքով գողացվել են 31,000 անձանց անձնական տվյալները, հայտնել է երկրի առավարությունը։ Անհայտ անձինք կոտրել են «Տնտեսապես իրավասու անձանց գրանցամատյանը» (VwbP), որը պարունակում էր ընկերություններ և հիմնադրամներ ներկայացնող անձանց տվյալների պատճենները, հաղորդում է ORF-ը, փոխանցում է DW-ն։
LLV.li-ի ռեեստրը ներկայում անհասանելի է օգտատերերի համար։ Էջում նշված է, որ «տեխնիկական սպասարկման աշխատանքներ» են իրականացվում։
«Ներկայիս տեղեկատվության համաձայն՝ չկա որևէ ցուցում, որ համակարգում տվյալները փոփոխվել կամ ջնջվել են»,- հայտարարել է կառավարությունը։
Նախնական տվյալներով՝ հարձակվողները հուլիսի 30-ին անօրինական կերպով մուտք են գործել VwbP: Դրանից հետո սկսվել է միջադեպի համապարփակ վերլուծություն։ Հուլիսի 31-ին կառավարությունը տեղեկացվել է, որ հնարավոր է՝ տեղի է ունեցել հաջող կիբերհարձակում։ Օգոստոսի 1-ին արդեն կառավարությունը ստացել է նախնական հետաքննության առաջին հաստատված արդյունքները։
Իշխանությունները հայտարարել են հակաճգնաժամային շտաբի ստեղծման մասին: Ըստ dpa գործակալության՝ խումբը գլխավորում են վարչապետ Բրիգիտե Հաասը և արդարադատության նախարար Էմանուել Շեդլերը:
Կառավարությունը հայտարարել է, որ ռեեստրը վարում էր փողերի լվացման և ահաբեկչության ֆինանսավորման կանխարգելման համար: Կիբերհանցագործների դրդապատճառները պարզվում են։
41,000 բնակչություն ունեցող Լիխտենշտեյնն աշխարհի ամենահարուստ երկրներից է մեկ շնչի հաշվով համախառն ներքին արդյունքի ցուցանիշով: Ֆինանսական և բանկային ծառայությունները համարվում են երկրի ամենաշահութաբեր ոլորտներից մեկը:
Թարգմանությունը՝ Էմմա Չոբանյանի
