04.09.2026 | 23:57
Էդուարդ Սպերցյանի գոլն օգնեց «Ալ Ահլիին» վստահ հաղթանակ տանել. ՏԵՍԱՆՅՈՒԹ
Վարդանյանը` ԱԺ փոխնախագահի թեկնածու լինելու մասին․ ՏԵՍԱՆՅՈւԹ
Քաղաքականություն
02.08.2026 | 14:13
Ազգային ժողովի անդրանիկ նիստի շրջանակներում «Հայաստան» խմբակցության պատգամավոր Արամ Վարդևանյանը խիստ քննադատության է ենթարկել Ամենայն Հայոց Կաթողիկոսի բացակայությունը խորհրդարանի դահլիճից։ Պատգամավորը շեշտել է, որ սա Հայաստանի պատմության մեջ առաջին դեպքն է, երբ Հայրապետը ներկա չէ նոր գումարման առաջին նիստին և չի հնչում նրա օրհնության խոսքը։
Վարդևանյանի խոսքով՝ նիստը նախագահող Կնյազ Հասանովի տված պարզաբանումները «կիսաճշմարտություն» են։ Պատգամավորը հայտնել է, որ չնայած Հասանովը պնդում էր, թե ոչ ոք չի կարող խոչընդոտել Կաթողիկոսի մուտքը, իրականում առկա է ԱԺ նախագահի պարտականությունները կատարող Ռուբեն Ռուբինյանի որոշումը, որով սահմանափակվել է Վեհափառ Հայրապետին ուղեկցող ծառայողական ավտոմեքենայի մուտքը ԱԺ տարածք։ Վարդևանյանը նշել է, որ այդ տեղեկատվությունը զետեղված է ԶԼՄ-ների գործունեությանը վերաբերող նույն փաստաթղթում։
Անդրադառնալով իր՝ ԱԺ փոխնախագահի պաշտոնում առաջադրվելու մասին լուրերին, Արամ Վարդևանյանը ձեռնպահ է մնացել կոնկրետ անուններ հնչեցնելուց։ Նա նշել է, որ խմբակցության քարտուղարը շուտով պաշտոնապես կներկայացնի թեկնածուի անուն-ազգանունը, որից հետո միայն հնարավոր կլինի խոսել մանրամասների մասին։
Մանրամասները՝ տեսանյութում։
