12.09.2026 | 10:41
Լիբանանի նախագահը հանդիպել է ՀՀ դեսպանին
Մոսկվան հայտարարում է, թե ՆԱՏՕ-ն ձգտում է Հայաստանին «հեռացնել» ՀԱՊԿ-ից
Քաղաքականություն
31.07.2026 | 18:38
ՆԱՏՕ-ն ձգտում է «հեռացնել» Հայաստանին ՀԱՊԿ-ի իր դաշնակիցներից։ Այս մասին ՌԻԱ Նովոստիին ասել է ՀԱՊԿ-ում Ռուսաստանի մշտական ներկայացուցիչ Վիկտոր Վասիլևը։
«Մենք նշում ենք ՆԱՏՕ-ի երկրների և առանձին արևմտյան պետությունների ցանկությունը՝ «հեռացնել» Հայաստանին ՀԱՊԿ-ի իր դաշնակիցներից, այդ թվում՝ համատեղ զորավարժություններ անցկացնելու միջոցով»,- ասել է Վասիլևը։
Նա հավելել է, թե Հայաստանի ներկայիս ղեկավարության այս մոտեցումը, «անշուշտ, չի ծառայում երկրի երկարաժամկետ անվտանգությանը և ինքնիշխանությանը»։
«Նրանք, ովքեր ուսումնասիրում են տարածաշրջանի պատմությունը, այդ թվում՝ դարավոր հետադարձ հայացքի միջոցով, հավանաբար կգտնեն բազմաթիվ փաստեր, որոնք ապացուցում են, որ հայ ժողովրդի ճակատագիրը բավական բարդ էր և երբեմն՝ արյունալի։ Հարցի պատասխանը, թե ով էր նրա անվտանգության և բարգավաճման գլխավոր երաշխավորը իր երկար պատմության ընթացքում, միանշանակ է և մակերեսին է»,- հայտարարել է դիվանագետը։
Հիշեցնենք, որ Հայաստանը սառեցրել է ՀԱՊԿ-ին մասնակցությունը։
Թարգմանությունը՝ Էմմա Չոբանյանի
