10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
Ռուսական հրթիռը Կիևում ոչնչացրել է ամերիկյան ԱԹՍ-ների արտադրության գործարանը․ The Guardian
Քաղաքականություն
31.07.2026 | 16:45
Կիևի վրա բալիստիկ հրթիռային հարվածը ոչնչացրել է հեռահար անօդաչու թռչող սարքեր արտադրող ամերիկյան ընկերության գործարանը։ Այս մասին հայտնում է բրիտանական The Guardian, փոխանցում է BBC-ի ռուսական ծառայությունը։
Լրատվամիջոցի տվյալներով՝ հարձակումը տեղի է ունեցել անցյալ ուրբաթ. ռուսական հրթիռը հարվածել է Terminal Autonomy-ին պատկանող օբյեկտին, որը Դելավերում գրանցված ամերիկյան ընկերություն է և Ուկրաինայում AQ-400 Scythe և AQ-100 Bayonet հարվածային անօդաչու թռչող սարքեր էր արտադրում։
«Ըստ երևույթին, սա ներկայիս հակամարտության ընթացքում առաջին դեպքն է, երբ Մոսկվան հարվածում է ամերիկյան ընկերության»,- գրում է The Guardian-ը։
Աղբյուրների տվյալներով՝ հարձակման հետևանքով զոհեր չկան։
Կիևում գործարանի վրա հարձակման մասին կիրակի հաղորդել էր ռուսական պետական ՏԱՍՍ լրատվական գործակալությունը՝ հղում անելով Ռուսաստանի Պաշտպանության նախարարությանը։ Հաղորդագրության մեջ չէր նշվում, որ գործարանը պատկանում է ամերիկյան ընկերության, սակայն ասվում էր, որ այնտեղ աշխատում են «ուկրաինա-ամերիկյան ընկերության մասնագետներ»։
Terminal Autonomy-ն և Ուկրաինայի ՊՆ-ն չեն պատասխանել The Guardian-ի մեկնաբանության հարցմանը։
Թարգմանությունը՝ Էմմա Չոբանյանի
