10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
Ստամբուլի հայկական գերեզմանտան վրա հարձակվողն ընդունել է մեղքը
Քաղաքականություն
31.07.2026 | 12:56
Ստամբուլի Սկյուտար թաղամասի Սուրբ Կարապետ հայկական եկեղեցու գերեզմանատան վրա հարձակման գործով կասկածյալ Մուհարրեմ Կյունը կալանավորվել է, գրում է Agos-ը։
Իր ցուցմունքում 55-ամյա Կյունը խոստովանել է հարձակումը՝ նշելով, որ անօթևան է, ոչ մեկից հրահանգներ չի ստացել և զղջացել է իր գործողությունների համար։ Կազմվել է մեղադրական եզրակացություն՝ Թուրքիայի քրեական օրենսգրքի 153/1 հոդվածի համաձայն՝ պաշտամունքի վայրերը և գերեզմանատները վնասելու հանցագործության համար։ Այն նախատեսում է մեկից չորս տարի ժամկետով ազատազրկում։
Ստամբուլի Անատոլիայի գլխավոր դատախազության կողմից հուլիսի 16-ին կազմված մեղադրական եզրակացությունն ուղարկվել է Ստամբուլի Անատոլիայի 46-րդ առաջին ատյանի քրեական դատարան և ընդունվել դատարանի կողմից: Մեղադրյալը դատավորի առջև կկանգնի օգոստոսի 20-ին:
Մինչ այդ, Սուրբ Կարապետ եկեղեցու հիմնադրամը հայտարարել է, որ վնասված գերեզմանների և շատրվանի վերականգնումն ավարտվել է։
Թարգմանությունը՝ Էմմա Չոբանյանի
