30.07.2026 | 18:26
Նոր կենսաչափական անձնագրերի համակարգը կգործարկվի 2026 թվականի աշնանը
Ջանես Նազարյանն ու Բաքվում մեդալ նվաճած մյուս հայ ըմբիշները վերադարձել են հայրենիք. ՏԵՍԱՆՅՈՒԹ
30.07.2026 | 17:23
Հունահռոմեական ոճի ըմբշամարտի Հայաստանի Մ-17 հավաքականը հայրենիք է վերադարձել Բաքվում անցկացվող աշխարհի մինչև 17 տարեկանների առաջնությանը մասնակցելուց հետո:
Հայաստանի թիմն ԱԱ-ին մասնակցել էր 10 ըմբիշով ու նվաճեց 1 ոսկե և 2 բրոնզե մեդալ: Ջանես Նազարյանը (71 կգ) նվաճել էր աշխարհի Մ-17 չեմպիոնի կոչումը, իսկ Արարատ Ավետիսյանը (48 կգ) և Գևորգ Հարությունյանը (51 կգ) դարձել էին բրոնզե մեդալակիր:
Հայրենիք վերադառնալուց հետո Ջանես Նազարյանը կիսվել է տպավորություններով:
«Նպատակս չեմպիոն դառնալն էր, դրա համար մեծ աշխատանք էինք կատարել: Ամեն բան շատ լավ ընթացավ: Որոշ սխալներ եղան, որոնք կարող էին ինձ խանգարել այդ ճանապարհին, բայց, փառք Աստծո, կարողացա հասնել հաղթանակի: Տպավորություններս շատ լավ են: Ուրախ եմ, որ կարողացել եմ ուրախացնել մեր ազգին և բարձր պահել մեր դրոշը: 100 տոկոս վստահություն չկար, բայց մարզիչիս հանգստությունը փոխանցվեց նաև ինձ»,- ասել է Ջանես Նազարյանը:
Հուլիսի 31-ին Բաքվում մեկնարկելու է նաև ազատ ոճի ըմբշամարտի աշխարհի մինչև 17 տարեկանների առաջնությունը: Հայաստանի Մ-17 հավաքականն ԱԱ-ում կունենա 6 մասնակից՝ Մուրադ Ղարիբյան (51 կգ), Դավիթ Բալեյան (55 կգ), Գրիշա Գևորգյան (60 կգ), Էրիկ Պապիկյան (65 կգ), Վարուժան Ասլանյան (71 կգ), Վահե Ասլանյան (80 կգ):
