30.07.2026 | 13:57
Տեղյակ եմ` Աննա Հակոբյանին ինչ սպառնալիքներ են եղել. Փաշինյան․ ՏԵՍԱՆՅՈՒԹ
Ծառուկյանին ասացի` էս ինչ վիճակ ա, ոնց որ գոմ լինի, ամոթ ա. Փաշինյանը՝ «Արարատցեմենտ»-ի մասին. ՏԵՍԱՆՅՈւԹ
Քաղաքականություն
30.07.2026 | 13:20
«Լուրերով նայում եմ՝ վերևից կադրեր են ցույց տալիս «Արարատցեմենտ» գործարանից: Դուք տեսե՞լ եք այդ կադրերը. այդ 21-րդ դարի գործարանը, դա ավեր է ընդամենը, թալանի օբյեկտ է: Միլիարդներ են աշխատել, միլիարդներ են տարել»,-այս մասին կառավարության նիստից հետո լրագրողների հարցերին պատասխանելիս նշեց վարչապետ Նիկոլ Փաշինյանը։
«Ես դրոնից կադրերը չունեի, այդ գործարանի մոտով անցել եմ, մոտ 2 տարի առաջ պարոն Ծառուկյանին մի առիթով ասել եմ՝ ամոթ է, գոնե մուտքը… ինչ վիճակում է, ոնց որ գոմ լինի: Միլիարդների շրջանառություն… գոնե մուտքի հատվածը կարգի բերեք, մի քանի կոպեկ փող դրեք, կարգի բերեք: Մուտքի հատվածը գնացեք նայեք, վերևից կերևա՝ այդ գործարանի սեփականատե՞ր է այդ օգտագործողը, թե՞ սեփականատեր չի: Հիմա, փառք Աստծո, անցել է պետության կառավարմանը:
Եվ ես համոզված եմ որ ինչպես ՀԷՑ-ի դեպքում, դեռ շատ նորություններ կիմանանք: Ինչքան ՀԷՑ-ում բացահայտումները շատանում են, այնքան կալուգացի օլիգարխի ցանկությունը՝ նոր բարեգործություններ անելու, մեծանում է՝ հասկանալիորեն ցույց տալու համար, որ այդ թալանածը մենակ իր համար չի, կիսվում է ինքը ժողովրդի հետ: Ժողովրդի հետ կիսվելու մենակ մի ձև կա. դա պետական և համայնքային միջոցներն են, որովհետև դա է ժողովրդի գրպանը: Ուրիշ մնացած տեղերում դա թակարդ է ժողովրդի համար, ինչպես տեսել ենք նախորդող շրջանում»,-ասաց Փաշինյանը:
Մանրամասները՝ տեսանյութում։
Եվգենյա Համբարձումյան
