Քաղաքականություն
29.07.2026 | 17:17«Քաղաքացիական պայմանագիր» խմբակցության նիստում որոշում է կայացվել ԱԺ առողջապահության հարցերի մշտական հանձնաժողովի նախագահի թեկնածու առաջադրել Լուսինե Բադալյանին։
Լրագրողների հետ զրույցում Բադալյանը նշեց, որ ընտրությունները խմբակցությունում անցել են թեժ և ժողովրդավարական մթնոլորտում։ Նա ընդգծեց, որ թեև նախկինում ձեռնպահ է մնացել առաջադրվելուց, այս անգամ որոշումը պայմանավորված է խմբակցությունում ոլորտային մասնագետների բացակայությամբ։
«Ես հիմա էլ չէի առաջադրվի, եթե մեր խմբակցությունում լիներ որևէ բժիշկ կամ բուժաշխատող։ Արդար չէ այդ ոլորտի օրենսդրական ղեկավարման ժամանակ մրցակցության մեջ մտնել տարիների փորձ ունեցող բժիշկների հետ։ Բայց քանի որ այսօր, ցավոք սրտի, խմբակցությունում չկա ոլորտի ներկայացուցիչ, ես ստանձնեցի այդ պատասխանատվությունը։ 2019 թվականից ես հանձնաժողովի ակտիվ անդամ եմ, եղել եմ նախագահի տեղակալ և լավ եմ պատկերացնում աշխատանքը»,- ասաց նա։
Անդրադառնալով առողջապահության նախարարության հետ հետագա համագործակցությանը՝ Բադալյանը շեշտեց, որ իրենց միջև երբեք կոնֆլիկտներ չեն եղել, իսկ մասնագիտական բանավեճերը միայն նպաստում են ավելի արդյունավետ օրենսդրական լուծումներ գտնելուն։ Որպես առաջնահերթություն նա առանձնացրեց առողջության համապարփակ ապահովագրության ներդրման գործընթացը, որը դեռևս լուրջ լրամշակման կարիք ունի։
Մանրամասները՝ տեսանյութում։
