05.09.2026 | 15:22
Հայաստանը պատրաստվում է վավերացնել մարդու օրգանների թրաֆիքինգի դեմ ԵԽ կոնվենցիան
Ադրբեջանն Ուկրաինային շուրջ 40 տոննա սարքավորումներ է փոխանցել կրիտիկական ենթակառուցվածքների համար
Քաղաքականություն
29.07.2026 | 17:13
Ուկրաինան Ադրբեջանից ստացել է շուրջ 40 տոննա սարքավորումներ, որոնք կօգնի ամրապնդել ուկրաինական երկաթուղայինների գործունեությունը և կաջակցեն կարևորագույն ենթակառուցվածքներին։ Այս մասին ասվում է Ուկրաինայի Էներգետիկայի նախարարության հայտարարության մեջ, հայտնում են ուկրաինական լրատվամիջոցները։
Գերատեսչությունը հավելել է, որ գրեթե ամեն օր սարքավորումներ են տեղափոխվում հատուկ հանգույցով Ուկրաինայի տարբեր շրջաններ։ Սա օգնում է ապահովել ինչպես էներգետիկ ոլորտի, այնպես էլ այլ կրիտիկական ենթակառուցվածքների գործունեությունը ռուսական հարձակումների մշտական սպառնալիքի պայմաններում։
«Շնորհակալություն ենք հայտնում Ադրբեջանին և STP Global Cable-ին Ուկրաինայի հետ համերաշխության և մեր կրիտիկական կարևոր ենթակառուցվածքներին աջակցության համար»,- ասվում է հայտարարության մեջ։
Ապրիլին Ուկրաինայի նախագահ Վլադիմիր Զելենսկին հայտարարել էր, որ Ադրբեջան կատարած այցի ընթացքում ստորագրվել է վեց երկկողմանի փաստաթուղթ։ Զելենսկիի այցից հետո Ադրբեջանն Ուկրաինային որպես մարդասիրական օգնություն փոխանցել էր հինգ ուղևորատար ավտոբուս։
