27.09.2026 | 19:33
Վանաձորում, Հրազդանում և Արարատում օդում փոշու պարունակությունը գերազանցել է թույլատրելի սահմանը
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
29.07.2026 | 00:56
Ֆուտբոլի Հայաստանի չեմպիոն «Արարատ-Արմենիան» դուրս եկավ Չեմպիոնների լիգայի որակավորման երրորդ փուլ ու ապահովեց առնվազն Կոնֆերենցիաների լիգայի խմբային փուլի ուղեգիր:
Որակավորման երկրորդ փուլի պատասխան խաղում երևանյան ակումբը հյուրընկալվելիս 1:2 հաշվով պարտվեց Իռլանդիայի չեմպիոն «Շեմրոք Ռովերսին», որին տանը հաղթել էր 2:0 հաշվով:
Դուբլինում կայացած հանդիպման առաջին խաղակեսից հետո դաշտի տերերը հաղթում էին 2:0 հաշվով, իսկ ընդմիջումից հետո հաշիվը կրճատեց «Արարատ-Արմենիայի» բրազիլացի հարձակվող Սանդրո Լիման:
Որակավորման երրորդ փուլում «Արարատ-Արմենիան» կմրցի Սլովենիայի չեմպիոն «Ցելյեի» հետ, որը հետխաղային 11-մետրանոցներով հաղթեց ալբանական «Էգնատիային» (3:3, 2:2, 11մ՝ 4:1): Այդ դիմակայության պարտվողը պայքարը շարունակելու է Եվրոպա լիգայի որականորման փլեյ-օֆֆում:
Հիշեցնենք, որ գլխավոր եվրագավաթի որակավորման առաջին փուլում «Արարատ-Արմենիան» երկխաղյա դիմակայությունում հաղթել էր Լատվիայի չեմպիոն «Ռիգային» (2:0, 2:3): Երևանյան ակումբն առաջին անգամ կխաղա եվրագավաթների խմբային փուլում:
Չեմպիոնների լիգա, որակավորման երկրորդ փուլ, պատասխան հանդիպում
«Շեմրոք Ռովերս» (Իռլանդիա) – «Արարատ-Արմենիա» (Հայաստան)՝ 2:1 (առաջին հանդիպում՝ 0:2)
Մեթյու Հալի, 11, Աարոն Գրին, 36 – Սանդրո Լիմա, 73
