05.09.2026 | 15:55
ԱՆ-ն առաջարկում է լուծարել հարկային հաշվետվություն չներկայացրած ընկերությունները
Մ-17 ԱԱ. Ջանես Նազարյանը երեք տպավորիչ հաղթանակով կիսաեզրափակիչ դուրս եկավ Բաքվում. ՏԵՍԱՆՅՈՒԹ
28.07.2026 | 15:15
Բաքվում ընթացող հունահռոմեական ոճի ըմբշամարտի աշխարհի մինչև 17 տարեկանների առաջնության երկրորդ մրցումային օրը պայքարի մեջ են մտել Հայաստանի ևս 5 ներկայացուցիչներ:
Ջանես Նազարյանը (71 կգ) երեք վստահ հաղթանակ է տարել ու նվաճել կիսաեզրափակիչի ուղեգիր: Հայ ըմբիշն ուժեղ է գտնվել նորվեգացի (8:0), թուրք (9:0) և հունգարացի (9:0) մրցակիցներից: Երեկոյան մրցահերթում Նազարյանը եզրափակիչի ուղեգրի համար կգոտեմարտի բուլղարացի Կրիստիան Կրաստևի հետ:
Վազգեն Վարդանյանը (45 կգ), Արտուշ Պետրոսյանը (60 կգ) և Ալեքսան Շալջյանը (92 կգ) պարտվել են մեկնարկում, իսկ Գևորգ Հարությունյանը (51 կգ) մեկնարկել է հաղթանակով ու դուրս եկել քառորդ եզրափակիչ, որտեղ պարտություն է կրել ադրբեջանցի մրցակցից:
Արարատ Ավետիսյանը (48 կգ) և Վազգեն Մնացականյանը (65 կգ) նախօրեին պարտվել էին կիսաեզրափակիչում ու բրոնզե մեդալի համար գոտեմարտ կանցկացնեն հուլիսի 28-ին: Ավետիսյանի մրցակիցը կլինի հունգարացի Բենեդեկ Տոմբորը, իսկ Մնացականյանն ուժերը կչափի Հունգարիայի մեկ այլ ներկայացուցիչ Իմրե Յուհանցի հետ:
