22.10.2026 | 23:31
Ուսանողական վիզայի պայմանների խախտումը կարող է զրկել ապագայում ԱՄՆ վիզա ստանալու իրավունքից
250 հազարից մինչև 8 միլիոն․ որքա՞ն արժեն մեծ պահանջարկ ունեցող համարանիշերը․ ՏԵՍԱՆՅՈՒԹ
Տեսանյութեր
28.07.2026 | 11:47
Տրանսպորտային միջոցների հաշվառման մեծ պահանջարկ ունեցող համարանիշերի չափորոշիչները սահմանում է Հայաստանի Հանրապետության կառավարությունը, իսկ դրանց հատկացման գները սահմանում է Հայաստանի Հանրապետության ներքին գործերի նախարարը։ Այս մասին հրավիրված ասուլիսի ժամանակ ասաց ՆԳՆ իրավաբանական վարչության պետ Ռուսլան Մարանդյանը։
«Վերջերս Կառավարության որոշման մեջ տեղի են ունեցել փոփոխություններ, այլ կերպ ասած՝ լրացվել են հաշվառման մեծ պահանջարկ ունեցող համարանիշերի նոր չափորոշիչներ, և դրան արձագանքելով՝ Ներքին գործերի նախարարը ստորագրել է հրաման և սահմանել է այն գները, որով այդ հաշվառման մեծ պահանջարկ ունեցող համարանիշերը կարող են հատկացվել։
Այստեղ խոսքը չի վերաբերում առանձնահատուկ պահանջարկ ունեցող հաշվառման համարանիշերին։ Դրանց հետ կապված աճուրդային կանոնակարգումները ինչպես եղել են, այնպես էլ շարունակելու են գործել։ Ընդ որում՝ այդ չափորոշիչներում ևս որևէ փոփոխություն չի կատարվել։ Այսօր խոսելու ենք բացառապես հաշվառման մեծ պահանջարկ ունեցող համարանիշերի մասին։
Հաշվառման առանձնահատուկ պահանջարկ ունեցող համարանիշերը բաղկացած են կամ առնվազն 4 զրոյից և մեկ թվից, իհարկե լատինական տառերը՝ գիտեք, կրկնվող կամ տարբերվող. սրա մասին առանձին չանդրադառնանք։ Առանձնահատուկ պահանջարկ ունեցող համարանիշերում միշտ առկա է կամ 4 զրո և մեկ թիվ, կամ 5 զրո. սա բանաձև է, սա ամրագրված է»,- ասաց նա։
Մանրամասները՝ տեսանյութում։
Եվգենյա Համբարձումյան
