Ռուսաստանն ամեն ինչ կանի հաղթանակի համար․ Պուտին

Ամբողջ Ռուսաստանը կհասնի «հատուկ ռազմական գործողության» (ՌԴ-ում այսպես են անվանում Ուկրաինայի դեմ լայնածավալ պատերազմը) նպատակներին և կանի ամեն ինչ հաղթանակի  համար:  Այս մասին հայտարարել Ռուսաստանի նախագահ Վլադիմիր Պուտինը, գրում է ՌԲԿ-ն։

«Հատուկ ռազմական գործողության մասնակիցները հերոսաբար պայքարում են Ռուսաստանի, իրենց հայրենիքի համար։ Նրանց աջակցում է մեր ամբողջ ժողովուրդը, մեր ամբողջ հասարակությունը։ Մենք կհասնենք մեր նպատակներին և միասին կանենք ամեն ինչ հաղթանակի, Ռուսաստանի համար»,- ասել է Պուտինը։

Ավելի վաղ, Սանկտ Պետերբուրգում Ռազմածովային ուժերի անձնակազմի հետ հանդիպման ժամանակ Պուտինը նշել էր, որ Ռուսաստանը զգալի միջոցներ է հատկացնում ռազմական գործողության նպատակներին հասնելու համար, սակայն Ռազմածովային ուժերի զարգացման ծրագրերը կիրականացվեն: Միաժամանակ, նախագահը հայտարարել էր, որ «հատուկ ռազմական գործողությունը» կավարտվի «վաղ թե ուշ»:

Միաժամանակ, Պուտինը նաև հայտարարել է, որ Ռուսաստանի զինված ուժերի կողմից ռազմադաշտում ՀՕՊ ուժերի գործունեության ընթացքում ավելի ակտիվ գործողությունները ռուսական զորքերի կորուստների աճի վտանգ են ստեղծում։

«Պարգևատրման ժամանակ մրցանակակիրներից մեկը շշնջաց ինձ. «Մենք կհաղթենք, մեզ պետք է ավելի համարձակ լինենք»։ Ես իսկապես ուզում եմ, բայց հարց է առաջանում՝ նույնիսկ ավելի համարձա՞կ։ Այստեղ, ինչպես տնտեսությունում, կան ռիսկեր, որոնց գինը մեզ համար մարտադաշտում կորուստներն են։ Հետևաբար, այստեղ էլ մենք կգործենք զգույշ, բայց համառորեն և հետևողականորեն՝ հետապնդելով երկրի համար սահմանված նպատակները։ Եվ մենք կհասնենք դրանց»,- ասել է Պուտինը Պետդումայի պատգամավորների հետ հանդիպման ժամանակ։

Թարգմանությունը՝ Էմմա Չոբանյանի