Ռումինիայի երկնքում ԱԹՍ է խոցվել. սա Ուկրաինայում պատերազմից ի վեր առաջին դեպքն է

Հուլիսի լույս 24-ի առավոտյան F-16 կործանիչը Ռումինիայի երկնքում անօդաչու թռչող սարք է խոցել, որն ավելի վաղ մտել էր երկրի օդային տարածք։ Ռումինիայի նախագահ Նիկուսոր Դանը հայտարարել է խոցման մասին՝ ընդգծելով, որ կործանիչը վարել է ռումինացի օդաչուն։

Դանը գրել է, որ անօդաչու թռչող սարքը թռչում էր ոչ բնակելի տարածքի վրայով, «այդ պատճառով օդաչուն կարողացել է կրակ բացել առանց որևէ ռիսկի»։ Բեկորների ենթադրյալ անկման վայրը ներկայում հետաքննվում է։ Այլ մանրամասներ հայտնի չեն, տեղեկություններ չկան, թե ում է պատկանում անօդաչուն։

Ռուսաստանի Պաշտպանության նախարարությունն ավելի վաղ հայտնել էր Ռումինիային սահմանակից Ուկրաինայի Օդեսայի մարզի նավահանգիստների վրա գիշերային հարվածների մասին։

Ռումինիայի օդային տարածքը նախկինում բազմիցս խախտել էին անօդաչու թռչող սարքերը։ Մայիսի վերջին, ըստ երկրի իշխանությունների, ռուսական անօդաչու թռչող սարքը բախվել էր Գալաց քաղաքի բարձրահարկ շենքին, որի հետևանքով հրդեհ էր բռնկվել բնակարաններից մեկում։

Այնուամենայնիվ, սա առաջին դեպքն է, երբ անօդաչու է խոցվում Ռումինիայի տարածքում։ Այս երկրում տեղակայված է ՆԱՏՕ-ի ավիաբազա, նրա ռազմաօդային ուժերը զինված են F-16 կործանիչներով։

Ավելի վաղ Լիտվայի երկնքում խոցվել էր անօդաչու թռչող սարք, ենթադրաբար, ուկրաինական, մի շարք միջադեպերից հետո, որոնց ընթացքում ուկրաինական անօդաչու թռչող սարքերը, ենթադրաբար, շեղվել էին ուղուց ռուսական ռադիբէլեկտրոնային պայքարի համակարգերի կողմից, թռել էին Բալթյան երկրների օդային տարածք։

Թարգմանությունը՝ Էմմա Չոբանյանի