15.08.2026 | 15:40
Զարուհի Բաթոյանն ընտրվել է ԵԱՀԿ ԺՄԻԳ խորհրդատվական մարմնի անդամ
Պենտագոնը ՌԴ 33 համալսարան և հետազոտական ինստիտուտ ԱՄՆ-ի ազգային անվտանգությանը սպառնալիք է ճանաչել
Քաղաքականություն
24.07.2026 | 14:40
ԱՄՆ պատերազմի նախարարությունը հրապարակել է «կասկածելի գործունեությամբ» զբաղվող և ԱՄՆ ազգային անվտանգությանը սպառնալիք ներկայացնող օտարերկրյա հաստատությունների թարմացված ցանկը, գրում է Current time-ը։
Ցուցակը ներառում է Չինաստանում, Ռուսաստանում և Իրանում տեղակայված 130 ակադեմիական և հետազոտական կազմակերպություն։
«ԱՄՆ հետազոտողներին, ակադեմիական հաստատություններին և արդյունաբերական գործընկերներին խորհուրդ է տրվում ծայրահեղ զգուշություն ցուցաբերել այս ցուցակում ընդգրկված որևէ հաստատության հետ համագործակցության, ֆինանսավորման կամ տվյալների փոխանակման հարցերը քննարկելիս»,- ասվում է Պենտագոնի կայքում։
Բուհերի ցանկում են Մոսկվայի պետական համալսարանը, Բարձրագույն տնտեսագիտական դպրոցը, Բաումանի անվան Մոսկվայի պետական տեխնիկական համալսարանը, Մոսկվայի ավիացիոն ինստիտուտը, Կուրչատովի ինստիտուտը, Սկոլկովոյի ինստիտուտը և այլն, ընդհանուր առմամբ՝ 33 ռուսական կրթական և գիտական կազմակերպություն։
Ապրիլին T-invariant-ը հաղորդել էր, որ Մոսկվայի պետական համալսարանը օլիգարխ Օլեգ Դերիպասկայի ֆինանսական աջակցությամբ բացել է արհեստական բանականության բաժին, որը գլխավորում է ՌԴ նախագահ Վլադիմիր Պուտինի կրտսեր դուստրը։ Նա ղեկավարում է համալսարանի արհեստական բանականության և ինտելեկտուալ համակարգերի հեռանկարային հետազոտությունների ինստիտուտը։
Թարգմանությունը՝ Էմմա Չոբանյանի
