21.10.2026 | 21:58
Երևան, Ալավերդի, Վանաձոր քաղաքների մի շարք հասցեներում, Դարպաս բնակավայրում վթարային գազանջատում կլինի
Իրանը հակադարձում է NYT-ի հրապարակմանը, որ մերժել է Իրաքի միջոցով ուղարկված ԱՄՆ-ի հրադադարի առաջարկը
Քաղաքականություն
24.07.2026 | 18:48
Իրանը հերքել է ամերիկյան The New York Times պարբերականի հրապարակումն այն մասին, որ Թեհրանը մերժել է Իրաքի կողմից փոխանցված ԱՄՆ-ի հրադադարի համաձայնագիրը՝ այն անվանելով «լիովին շեղող և մոլորեցնող», հաղորդում է IRNA պետական լրատվամիջոցը։
NYT-ը, հղում անելով իրանցի պաշտոնյաներին, հաղորդել էր, որ Թեհրանը հետաքրքրված չէ ժամանակավոր համաձայնագրով, որը չլուծված է թողնում Հորմուզի նեղուցի վերահսկողության հարցը։ IRNA-ն պնդում է, որ առաջարկը վերաբերում է «ժամանակավոր 10-օրյա հրադադարին»։ Առաջարկի ամբողջական մանրամասները չեն հաղորդվել։
«Իրանը միշտ առաջնահերթություն է տվել դիվանագիտությանը։ Տարածաշրջանում հակամարտության սրման խնդիրը բացառապես Միացյալ Նահանգների կողմից իր խոստումների և հունիսի 18-ի փոխըմբռնման հուշագրում պարունակվող պարտավորությունների խախտման պատճառով է»,- ըստ IRNA-ի՝ ասել է անանուն իրանցի պաշտոնյան։
Իրաքի վարչապետ Ալի ալ-Զաիդին հինգշաբթի այցելել էէ Թեհրան՝ անցյալ շաբաթվա սկզբին Սպիտակ տանը ԱՄՆ նախագահ Դոնալդ Թրամփի հետ հանդիպումից հետո։
Առանձին Թրամփը հինգշաբթի ազդարարել էր, որ դեռևս պատրաստ չէ Իրանի հետ նոր հրադադարի շուրջ բանակցություններ վարել։
Թարգմանությունը՝ Էմմա Չոբանյանի
