27.09.2026 | 22:05
ՏԻՄ ընտրություններում մասնակցության ամենաբարձր ցուցանիշը Թումանյանում է. այստեղ առաջադրված միակ ուժը ՔՊ-ն էր
Մերցը Փաշինյանի հետ քննարկել է Ուկրաինայում և Մերձավոր Արևելքում տիրող իրավիճակը
Քաղաքականություն
22.07.2026 | 18:50
Գերմանիայի կանցլեր Ֆրիդրիխ Մերցը հեռախոսազրույց է ունեցել Հայաստանի վարչապետ Նիկոլ Փաշինյանի հետ, որի ընթացքում երկու կողմերը քննարկել են Ուկրաինայում և Մերձավոր Արևելքում տիրող իրավիճակը, ինչպես նաև Հայաստանի և Ադրբեջանի միջև խաղաղության գործընթացը։ Այս մասին լրագրողներին հայտնել է Գերմանիայի կառավարության խոսնակ Ստեֆան Կոռնելիուսը. գրում է ՏԱՍՍ-ը։
Նա նշել է, որ երկու առաջնորդները մտքեր են փոխանակել Մերձավոր Արևելքում տիրող իրավիճակի, Ուկրաինայի հակամարտության և Հարավային Կովկասի վրա դրանց ազդեցության վերաբերյալ։
«Գերմանիայի կանցլերը կոչ է արել հետագա քայլեր ձեռնարկել Հայաստանի և Ադրբեջանի միջև խաղաղության գործընթացում և ընդգծել դրա կարևորությունը տարածաշրջանային կայունության համար», – ասել է Կոռնելիուսը։
«Այս առումով երկու կողմերն էլ նշել են ինչպես երկկողմ հարաբերությունների, այնպես էլ Հայաստանի կապերի ընդլայնման ներուժը», – հավելել է Գերմանիայի կառավարության խոսնակը։
Հ․Գ․
Նիկոլ Փաշինյան-Ֆրիդրիխ Մերց հեռախոսազրույցի մասին հաղորդագրություն է տարածել նաև ՀՀ կառավարությունը։
Նշվում է նաև, որ վարչապետ Փաշինյանը և Դաշնային կանցլեր Մերցն անդրադարձել են Հայաստանի և Գերմանիայի միջև երկկողմ համագործակցության հետևողական զարգացման, ինչպես նաև Հայաստան–Եվրոպական միություն գործընկերության հետագա խորացման հեռանկարներին։
