27.09.2026 | 21:13
Ինչու է Հ1-ը պատերազմի տարելիցին համերգ հեռարձակել․ կառույցից գրավոր հարցում են պահանջում
Ֆրանսիայում մահացել է Էփշթեյնի համար աղջիկներ, ենթադրյալ, հավաքագրողը
Քաղաքականություն
22.07.2026 | 23:05
Ֆրանսիական Կոլոմբե քաղաքում հայտնաբերվել է 69-ամյա լուսանկարիչ Դանիել Սիադի մարմինը, որը կապված էր ֆինանսիստ և սեռական հանցագործ Ջեֆրի Էփշթեյնի գործի հետ։ Այս մասին հայտնում է Le Parisien-ը, գրում է The Insider-ը։
Տղամարդը մահացել է սրտի կանգից իր ծանոթի տանը, որտեղ ժամանակավորապես բնակվում էր։
Հրապարակման համաձայն՝ Սիադի անունը Էփշթեյնի գործի վերաբերյալ հրապարակված նյութերում հանդիպում է ավելի քան 2000 անգամ։ Նա կապ է պահպանել ֆինանսիստի հետ մինչև 2019 թվականը։ Նրանց նամակագրությունը ներառել է քննարկումներ այն աղջիկների մասին, որոնց Սիադն Էփշթեյնի համար գտել է Արևելյան Եվրոպայում և Սկանդինավիայում, որոնցից մի քանիսը 15-ից 17 տարեկան են եղել։
Սիադի ծանոթները Le Parisien-ին պատմել են, որ նա վերջերս գործազուրկ էր, ֆինանսական դժվարություններ ուներ։ Նախկինում նա հերքել է Էփշթեյնի գործի հետ կապված որևէ մեղսակցություն։
2008 թվականին Ջեֆրի Էփշթեյնը դատապարտվել է անչափահասներին մարմնավաճառության դրդելու համար։ 2019 թվականի ամռանը նա կրկին ձերբակալվել է և մեղադրվել կանանց, այդ թվում՝ անչափահասների թրաֆիքինգի և նրանց մարմնավաճառության դրդելու համար։ Նույն թվականին Էփշթեյնը մահացած է գտնվել իր բանտախցում՝ դատավարությունից առաջ։
2025 թվականի նոյեմբերին ԱՄՆ Ներկայացուցիչների պալատի վերահսկման հանձնաժողովը սկսել է հրապարակել Ջեֆրի Էփշթեյնի էլեկտրոնային արխիվը։ Գործի նյութերը ներառում են պետությունների ղեկավարների, միլիարդատերերի և այլ նշանավոր անձանց անուններ։
Թարգմանությունը՝ Էմմա Չոբանյանի
