18.09.2026 | 13:18
Որ 4-5 ամիս էլ սենց գնաց, դաշնականության սև խոռոչը տանելու է մեր գործընկերներին․ Արման Եղոյան․ ՏԵՍԱՆՅՈՒԹ
Միջազգային կոալիցիան հայտարարել է ԻՊ-ի պարագլուխներից մեկին ոչնչացնելու մասին
Քաղաքականություն
03.12.2018 | 11:31
ԱՄՆ-ի գլխավորած միջազգային կոալիցիան Սիրիայում հարվածներ է հասցրել անօդաչու թռչող սարքից, ինչի արդյունքում ոչնչացվել է «Իսլամական պետություն» ահաբեկչական խմբավորման պարագլուխներից մեկը: Այս մասին գրում է ՌԲԿ-ն՝ վկայակոչելով Fox News-ը:
Կոալիցիայի ներկայացուցիչ Շոն Ռայանի տեղեկացմամբ՝ սպանվել է Աբու ալ-Ումարայնը, որը կապ ունի ԱՄՆ բանակի նախկին շարքային Փիթեր Քեսիգի սպանության հետ: Նա նշել է, որ ԻՊ-ի ևս մի քանի անդամ է ոչնչացվել:
Զինյալները Քեսիգին գերեվարել են 2013 թվականին Սիրիայում, շտապօգնության մեքենայով ընթանալիս: Նա ամերիկյան բանակից հեռացվել է Իրաքում պատերազմից հետո, այնուհետև շտապ բուժօգնության աշխատակից է դարձել: 2012 թվականին Քեսիգը որպես կամավոր մեկնել է Լիբանան՝ օգնելու Սիրիայում պատերազմից տուժածներին և պաղեստինցի փախստականներին: Զինյալների կողմից գերեվարվելուց հետո Քեսիգն իսլամ է ընդունել, սակայն 2014 թվականին նրան մահապատժի են ենթարկել:
Ավելի վաղ հաղորդվել էր նաև, որ ԱՄՆ-ի գլխավորած կոալիցիան նոյեմբերի 30-ին ավիահարվածներ է հասցրել սիրիական Դեր Զոր նահանգի Էշ-Շաաֆ գյուղի ուղղությամբ: SANA-ի տվյալներով՝ գնդակոծության հետևանքով ավելի քան 30 խաղաղ բնակիչ է զոհվել:
