27.09.2026 | 22:23
Համաշխարհային օլիմպիադա. Հայաստանի հավաքականները երրորդն են A խմբում. ԼՈՒՍԱՆԿԱՐՆԵՐ
Համբուրգ․ Էլինա Ավանեսյանը վստահ հաղթանակով է մեկնարկել․ ՏԵՍԱՆՅՈՒԹ
22.07.2026 | 09:30
Հայաստանի ներկայացուցիչ Էլինա Ավանեսյանը հաղթանակով է մեկնարկել Գերմանիայի Համբուրգ քաղաքում ընթացող WTA 250 շարքի մրցաշարի հիմնական փուլում։
Առաջին շրջանում 23-ամյա թենիսիստը 6։2, 6։1 հաշվով վստահ հաղթանակ է տարել աշխարհի 187-րդ ռակետ, 35-ամյա նիդերլանդցի Արանչա Ռուսի նկատմամբ։ Մրցախաղը տևել է 1 ժամ 13 րոպե։
Էլինա Ավանեսյանի հաջորդ մրցակիցը կլինի աշխարհի 79-րդ ռակետ, Ղազախստանը ներկայացնող Յուլիա Պուտինցևան։
Կանանց թենիսի ասոցիացիայի (WTA) դասակարգման աղյուսակում Էլինա Ավանեսյանը 208-րդ տեղում է։ Համբուրգի մրցաշարում նա պայքարը սկսել էր որակավորման փուլից և հաղթել ԱՄՆ-ի ներկայացուցիչ Վարվարա Լեպչենկոյին ու սլովենացի Դալիլա Յակուպովիչին։
