23.10.2026 | 23:15
«Մանկական Եվրատեսիլ»-ի քվեարկության առաջին փուլը կմեկնարկի այս գիշեր
Հայտնի են Հայաստանի առաջնության լավագույն ֆուտբոլիստը և մարզիչը
21.07.2026 | 17:46
Հայաստանի ֆուտբոլի ֆեդերացիան ամփոփել է Հայաստանի Պրեմիեր լիգայի 2025-26 մրցաշրջանի «Լավագույն ֆուտբոլիստ» և «Լավագույն մարզիչ» անվանակարգերի քվեարկության արդյունքները։
40 միավորով լավագույն ֆուտբոլիստ է ճանաչվել «Արարատ-Արմենիայի» կիսապաշտպան Արթուր Սերոբյանը։ Նախորդ մրցաշրջանում 23-ամյա ֆուտբոլիստը երևանյան ակումբի կազմում դարձել է Հայաստանի Պրեմիեր լիգայի չեմպիոն՝ դառնալով 7 գոլի ու 2 ասիստի հեղինակ։
Երկրորդ տեղը 32 միավորով զբաղեցրել է «Նոայի» հարձակվող Հելդեր Ֆերեյրան, որը խփել է 10 գոլ։ Եռյակը 12 միավորով եզրափակել է առաջնության լավագույն ռմբարկու Բռունո Միշելը («Ուրարտու»)։
Մրցաշրջանի լավագույն մարզիչ է ճանաչվել չեմպիոնի տիտղոսը նվաճած «Արարատ-Արմենիան» գլխավորող Մանուել Տուլիպան։ Պորտուգալացի մասնագետը հավաքել է 58 միավոր ու առաջ անցել «Նոայի» գլխավոր մարզիչ Սանդրո Պերկովիչից (36 միավոր) և «Փյունիկը» գլխավորող Արտակ Օսեյանից (19 միավոր)։
