27.09.2026 | 22:23
Համաշխարհային օլիմպիադա. Հայաստանի հավաքականները երրորդն են A խմբում. ԼՈՒՍԱՆԿԱՐՆԵՐ
Հայտնի է՝ որքան գումար են վաստակել ԱԱ-2026-ի չեմպիոնն ու բոլոր մասնակիցները
21.07.2026 | 17:59
ԱՄՆ-ում, Կանադայում և Մեքսիկայում ավարտված ֆուտբոլի աշխարհի առաջնության մրցանակային հիմնադրամը ռեկորդային էր պատմության մեջ։
Մրցանակային հիմնադրամը կազմել է 871 միլիոն դոլար, ինչը շուրջ 60 տոկոսով ավելի է Կատարում կայացած ԱԱ-2022-ի ցուցանիշից, հաղորդում է AS-ը։
Աշխարհի նորընծա չեմպիոն Իսպանիայի հավաքականը ստացել է 53,5 միլիոն դոլար պարգևավճար։ Եզրափակիչում պարտություն կրած Արգենտինայի հավաքականի պարգևավճարը կազմել է 36,5 միլիոն դոլար։
Բրոնզե մեդալակիր Անգլիան պարգևատրվել է 32,5 միիոն դոլարով, իսկ չորրորդ տեղը գրաված Ֆրանսիան՝ 30,5 միլիոն դոլարով։
Քառորդ եզրափակիչ հասած հավաքականները ստացել են 22,5 միլիոն դոլար, 1/8 եզրափակիչ հասածները՝ 18,5 միլիոն դոլար, 1/16 եզրափակիչ հասածները՝ 14,5 միլիոն դոլար, իսկ խմբային փուլին մասնակցած թիմերը՝ 12,5 միլիոն դոլար։
Հիշեցնենք, որ պատմության մեջ առաջին անգամ աշխարհի առաջնությանը մասնակցել էր 48 հավաքական։
