04.09.2026 | 23:57
Էդուարդ Սպերցյանի գոլն օգնեց «Ալ Ահլիին» վստահ հաղթանակ տանել. ՏԵՍԱՆՅՈՒԹ
Մենք ունենք կուռ թիմ․ ԱԺ-ում որակապես նոր իրավիճակ կտեսնեք․ Արամ Վարդևանյան․ ՏԵՍԱՆՅՈՒԹ
Քաղաքականություն
21.07.2026 | 18:52
«Ուժեղ Հայաստան» դաշինքի ցուցակով պատգամավոր ընտրված Արամ Վարդևանյանը, անդրադառնալով թիմակից Գոհար Մելոյանի՝ պատգամավորական մանդատը չվերցնելու որոշմանը, Factor TV-ի հարցին ի պատասխան վստահեցրեց, որ թիմում տարաձայնություններ չեն եղել։
«Մեր թիմում երբևէ տարաձայնություններ չեն եղել, մեր թիմում միշտ եղել են քննարկումներ, կարծիքների փոխանակում, բայց միշտ որոշումներում ունենք կուռ թիմ։ Կարծում եմ՝ Ազգային ժողովում կտեսնեք որակապես նոր իրավիճակ, նոր գործունեության մոդել»,- ասաց նա։
Նրա խոսքով՝ պատգամավորական մանդատները վերցնելը քաղաքական թիմի պատասխանատվությունն է ընտրողների առջև։
«Մենք ստացել ենք հարյուր հազարավոր մեր հայրենակիցների վստահության քվեն, և պետք է պատասխանատվություն ստանձնեինք այդ քվեն իրացնելու՝ մանդատները վերցնելու ձևով։ Մեր քաղաքական թիմի որոշումը եղել է այդ պատասխանատվությունը ստանձնելը»,- նշեց Վարդևանյանը։
Նա հավելեց, որ մանդատներից հրաժարվելը նույնպես կարող էր քաղաքական որոշում լինել, սակայն, ըստ նրա, միջազգային փորձը ցույց է տալիս, որ նման քայլը իրավական հետևանքներ չի առաջացնում։
«Վստահ եղեք՝ այն գործունեությունը, որը իրականացվելու է, և այն դժվարությունները, որոնք հաղթահարվելու են, շատերին հաճելիորեն կզարմացնեն»,- եզրափակեց Վարդևանյանը։
Մանրամասները՝ տեսանյութում։
