21.07.2026 | 20:09
Բաքվի վերաքննիչ դատարանում հայ գերիների գործով նիստում ելույթ են ունեցել դատախազները
Շնորհավորում եմ Ադրբեջանին և Հայաստանին Վաշինգտոնում համաձայնագրի ստորագրման կապակցությամբ․ Մերց
Քաղաքականություն
21.07.2026 | 16:40
Շնորհավորում եմ Ադրբեջանին և Հայաստանին 2025 թվականի օգոստոսին Վաշինգտոնում համաձայնագրի ստորագրման կապակցությամբ։ Ադրբեջանական լրատվամիջոցների փոխանցմամբ՝ Գերմանիայի կանցլեր Ֆրիդրիխ Մերցն այս մասին հայտարարել է Ադրբեջանի նախագահ Իլհամ Ալիևի հետ համատեղ մամուլի ասուլիսում։
Մերցի խոսքով՝ Վաշինգտոնում համաձայնագրի ստորագրումը ներդրում ունի Հարավային Կովկասում զարգացման գործում։
«Խաղաղությունը, անվտանգությունը և կայունությունը անհրաժեշտ են Հարավային Կովկասի համար։ Գերմանիան և Եվրամիությունը կենսականորեն շահագրգռված են այս աշխարհաքաղաքական կարևոր տարածաշրջանի կայունությամբ»,- ասել է Մերցը։
Նրա խոսքով՝ Ադրբեջանի և Հայաստանի միջև համաձայնությունները հնարավորություններ են բացում երկրների միջև հարաբերությունները կարգավորելու և տասնամյակներ շարունակվող հակամարտությունը հաղթահարելու համար։
«Տարածաշրջանում կայունությունը նաև նոր հնարավորություններ է բացում մեր երկրների միջև տնտեսական համագործակցության ընդլայնման համար»,- հավելել է Գերմանիայի կանցլերը։
Նա ընդգծել է, որ Հարավային Կովկասը գնալով ավելի մեծ նշանակություն է ձեռք բերում որպես Եվրոպայի և Ասիայի միջև կարևոր կապող տարածաշրջան։
«Նոր տրանսպորտային և առևտրային միջանցքները ստեղծում են մեծ տնտեսական ներուժ, և մենք ցանկանում ենք միասին օգտվել այդ ներուժից», – ասել է Ֆրիդրիխ Մերցը:
Թարգմանությունը՝ Էմմա Չոբանյանի
